Yeremia 51:53 - Baibuli Ekibono kya Katonda 2014

⁵³ Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Yeremia 51:53 ပူးပေါင်းရင်းမြစ်များ

Amainhama 11:4

Agho baakoba bati: “Ka twezimbire ekibuga, twezimbire n'omunaala ogutuuka ku igulu tumanhikane, memale tulobe kusansaanizibwa mu nsi.”

Yobu 20:6

Omubi asobola okukula yaawaiguka okutuuka ku igulu, ng'omutwe gwe gutuuka ku bire.

Isaia 13:17

Musengwa Katonda akoba ati: “Bona, nja kubaghendulira Abamedi abatafa ku feeza waire okusendebwasendebwa ni zaabu, baidhe babalumbe babalwanise.

Isaia 41:25

Nasiikuula omuntu ava ku luuyi olw'omukono omugooda olw'e buvandhuba, era wuuyo atuuse. Alikozesa eriina lyange, yaatyankirira abafuzi ng'oti bityanka yaaba ng'oti n'omuwumbi bw'asamba eitosi.

Isaia 47:5

Musengwa Katonda oyo akoba Babiloni ati: “Tyama osirike, weewumbe mu nzikiiza, kuba tibaliirayo kabiri kukweta inhebantu wa maghanga.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Yeremia 50:21

Musengwa Katonda akoba abazigu ati: “Muje mulumbe abantu ab'e Merathaimu n'ab'e Pekoda, mu baite mubazikirize. Mukole byonabyona bye mbalagiire. Nze Musengwa Katonda, ninze nkobye.

Yeremia 50:25

Ndhigwiregho eiterekero ery'eby'okulwanisa byange, era naabifulumya nga nsungughaire inho kuba nze Musengwa Katonda Afuga Amagye ndi ni kye nja okubikozesa mu nsi eyo ey'Abakaladea.

Yeremia 50:45

Kale ni muwulire kye ntegeike okukola ku kibuga Babiloni, akabi ke neesoomeire okutuusa ku bantu baakyo. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Yeremia 51:48

Ebintu byonabyona ebiri ku nsi n'ebiri ku igulu, biryemba olw'eisanhu nga Babilonia egwire mu ngalo dh'abo abazikiriza, abaliva ku luuyi olw'omukono omugooda olw'e buvandhuba okwidha okugizikiriza.

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Yeremia 51:58

Ekimante eky'oku kibuga Babiloni ekikologho balikigwisa ghansi, n'emiryango gyakyo emireeyiriri baligyokya omuliro. Emirimo abantu gye baakolanga gyabadaakiza bwereere, n'amaghanga bye gaakola bya kwokebwa muliro. Nze Musengwa Katonda Afuga Amagye, ninze nkobye.”

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Amosi 9:2

Waire basima baatuuka e magombe, ndidha kubatuukaku mbatooleyo. Era waire baniina baatuuka mu igulu, ndidha kubaghanulayo.

Amosi 9:4

Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.