Yeremia 51:51 - Baibuli Ekibono kya Katonda 2014

⁵¹ Imwe mukoba muti, ‘Baatuvuma era baatuswazaswaza inho. Ensoni dhaatugema ira, kuba abagwira bangira baatwala ebifo ebitukuvu eby'omu isinzizo.’

Yeremia 51:51 ပူးပေါင်းရင်းမြစ်များ

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Zabbuli 71:13

Abo abaanumba baswaze era obazikirize. Abo abagezaaku okuntuusaaku ebizibu, baswalize irala era banhoomebwe.

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Zabbuli 79:12

Weesasuulize ku maghanga ago agatuliiraine emikuzi musanvu, olw'okukuyeeyereza kwonakwona kwe babairenga bakola.

Zabbuli 79:4

Tufuuse ekivume eri amaghanga agatuliiraine, era batuyeeyereza bwe batusekerera.

Zabbuli 89:46

Wo Musengwa Katonda, oja kwegisa kutuusa li? Byanda na byanda? Ekiruyi kyo kija kulekera li okwaka ng'oti muliro?

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 21:1

Buno n'obukwenda obugema ku Babiloni. Ng'empewo eyeezungulula n'amaani bw'eidha ng'ebitira mu kiketezo ekikalukalu eky'oku luuyi olw'omukono omusaadha olw'e buvandhuba, n'akabi katyo bwe kaliidha nga kava mu nsi etiisa.

Isaia 47:1

Musengwa Katonda akoba ati: “Iwe Babiloni, va ku kityamo eky'obwakyabazinga oike ghansi otyame mu nkungu. Ng'okaali kughangulwa waliku ng'oti n'omughala omwegha. Aye mpegaano tibakaakwegomba, kuba obulungi n'obunhirivu bye wali nabyo tibikaaligho.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yeremia 25:26

ni bakyabazinga boonaboona ababa ku luuyi olw'omukono omugooda olw'e buvandhuba ab'okumpi n'eghala. Boonaboona abo balinhwa, mulala mulala nga banonaganwa. N'obwakyabazinga obundi bwonabwona obuli ku nsi bulinhwa. Abo bwebalimala, olwo kyabazinga ow'e Babilonia yeena yaanhwa.

Yeremia 31:19

Twakuvaaku twadaaliima, aye mangu ago twamala twenenia. Bwe watubonereza twagonda, twakoteka emitwe nga tuswaire inho. Ensoni dhaatugema twaswala, kuba twatoolera okwonoona nga tukaali bato.’

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 1:10

Abazigu baaja baidha, baanhaga ebintu eby'omu kibuga byonabyona eby'omughendo. Bwenebwene ab'omu kibuga ekyo baabona bukalamu abamaghanga agandi nga bangirira irala mu kifo ekitukuvu, Musengwa ghe yalobera abamaghanga agandi okutuuka.

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Okulira 5:1

Wo Musengwa Katonda, idhukira ebyo abazigu baife bye baatutuusaaku. Bwenebwene lingirira obone bwe twaswala!

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 36:30

Ndireetera emiti egy'ebibala n'enimiro edh'emere okwama einho, endhala erobe kabiri kwirayo kubaluma na kubaswaza mu maghanga gandi.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Ezekieli 9:7

Era yaabakoba ati: “Mwonoone eisinzizo, era mwidhuze empya dhaalyo emirambo egy'abo be mwise. Muje mangu.” Kale baaja mangu, baita abantu mu kibuga.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Amosi 7:9

Nja kuzikiriza ebifo ebigulumivu baidhukulu ba Isaaka mwe basinziza. Nja kusaaniagho ebifo eby'Abaisiraeli abo ebitukuvu, era nja kusindika abazigu ku kyabazinga Yeroboamu bamughangule.”

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!