Yeremia 51:47 - Baibuli Ekibono kya Katonda 2014

⁴⁷ Kale ni bona, ekiseera kiri kwidha, nsitule olutalo ku bifaananie bye basinza mu Babilonia. Ensi eyo yoonayoona eriswazibwa n'abantu baayo baitibwa, emirambo gyaibwe gyaba bw'agho gityo.

Yeremia 51:47 ပူးပေါင်းရင်းမြစ်များ

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Yeremia 11:22

Musengwa Katonda oyo Afuga Amagye akoba ati: “Abantu abo ndidha kubabonereza. Abaisuka baibwe baidha kufiira mu lutalo, n'abaana baibwe baidha kulambuka ndhala.

Yeremia 13:21

Olyogera ki, ng'abantu be wadhuubanga okuba bakagwa bo bakughangwire era baakufuga? Toliwulira bulumi ng'oti n'obw'omukazi ali kulumwa okuzaala?

Yeremia 23:34

Omulanzi, oba kabona, oba omuntu owundi yeenayeena alikoba ati, ‘Omugugu gwa Musengwa Katonda,’ ndimubonereza mwene n'ab'omu maka ge.

Yeremia 25:12

Emyaka ensanvu egyo bwe giriwaayo, ndibonereza kyabazinga w'e Babilonia n'ab'omu ighanga eryo olw'ebibi byaibwe, naazikiriza ensi yaibwe yaasigala agho etyo ng'eri bwa bifulukwa byereere, ebyanda n'ebyanda.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 51:18

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Yeremia 51:43

Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.

Yeremia 51:52

Kale ni, nze nkoba nti, ekiseera kiri kwidha nsitule olutalo ku bifaananie bye basinza mu Babilonia, era abantu abaliba bafumitiibwa balisinda mu nsi eyo yoonayoona.