Yeremia 51:43 - Baibuli Ekibono kya Katonda 2014

⁴³ Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.

Yeremia 51:43 ပူးပေါင်းရင်းမြစ်များ

Zabbuli 46:8

Mwidhe mubone ebikulu Musengwa Katonda by'akoze; mubone ebyewuninkiriza by'akoze ku nsi.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Yeremia 18:16

Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 50:12

Aye ekibuga kyaimwe ekyabalabirira obukalamu ng'oti ni maama eyabazaala, abazigu balikinhoomoola era baakiswazaswaza. Eighanga lyaimwe n'eririsembayo mu maghanga goonagoona. Era ensi yaimwe eyo erifuuka irungu omuzira maadhi.

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 51:62

Bw'olimala olisaba Katonda oti, ‘Wo Musengwa Katonda, wakoba oti oidha kuzikiriza ekifo kino ghabule ekiramu kyonakyona ekikisigalamu, k'abe omuntu oba kibe ekisolo olwo ekifo kino kifuuke irungu ery'olubeerera.’