Yeremia 51:36 - Baibuli Ekibono kya Katonda 2014

³⁶ Kale ni, Musengwa Katonda akoba ab'e Yerusalemu ati: “Bona, nja kubalwanirira, neesasulize ku bazigu baimwe olw'ebyo bye baabakola. Ndikaza enhandha y'Ababilonia era naalekeza n'emiiga gyaibwe okukuuluula amaadhi.

Yeremia 51:36 ပူးပေါင်းရင်းမြစ်များ

Zabbuli 107:33

Musengwa Katonda oyo afuula aghabaire emiiga ghairagho eirungu, ate aghabaire enhindo edh'emiiga ghaafuuka eitaka eikalu lyene.

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Ensambo 23:11

kuba Musengwa Katonda Omununuzi waibwe w'amaani, era alibawolezagho omusango gwaibwe n'iwe.

Isaia 19:5

Amaadhi ag'omwiga Kiyira galikendeera, omwiga ogwo gwaja nga guseenena okutuusa okukala.

Isaia 43:14

Musengwa Katonda Omununuzi waimwe era Omutukuvu wa Isiraeli akoba ati: “Olw'okwenda okubawonia ndisindika eigye okulumba Babiloni. Ndimenha eminhololo egisiba endhigi dh'ekibuga, era okwasiikana kw'abantu baayo okubaire okw'amasanhu, ndikufuulamu kulira maziga.

Isaia 44:27

Ninze ndagira amaadhi g'enhandha amangi gaakala, n'emiiga gyona gyakala.

Yeremia 50:38

Akasana k'endoboozi leka kaidhe kaake, kakaze amaadhi gaayo goonagoona; kuba ensi Babilonia eyo eidhwire ebifaananie ebibaadhe n'ebisinzibwa ebitali Katonda, ebisirughaiza abantu einho.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Ezekieli 25:14

Ndikozesa abantu bange Abaisiraeli baaneesasuulizaagho ku Edomu. Baligikolaku nga bwe nhenda, baagimaliraku obusungu bwange n'ekiruyi kyange. Olwo Abaedomu balimanha nga bwe neesasuuliza ku bantu.” Musengwa Katonda atyo bw'akoba.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Ab'e Roma 12:19

Aboluganda, muteesasuulizanga ku muntu. Muleke Katonda mwene yeesasuuzenga, kuba kyaghandiikibwa kiti: “Okulwana enzigu kwange; ndyesasuuza, Musengwa atyo bw'akoba.”

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

Okwolekebwa 16:12

Malaika owomukaaga yaayugha ekibya kye mu mwiga omunene Eufurate gwakala, okulekera bakyabazinga abava e buvandhuba engira.