Yeremia 51:34 - Baibuli Ekibono kya Katonda 2014

³⁴ Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Yeremia 51:34 ပူးပေါင်းရင်းမြစ်များ

Yobu 20:15

Asesema obukombe bwe yaiba, Katonda yaabumutoola mu nda.

Zabbuli 74:13

Enhandha wagigabaniamu ghabiri n'amaani go, waakonkona emitwe egy'agasota ag'omu maadhi.

Ensambo 1:12

Leka tubamire nga balamu ng'amagombe bwe gakola, basaanegho ng'abo abaika eyo ghansi mu lwina.

Isaia 34:11

Ebiwigulu n'amakoova n'enhonhi edhindi, n'ebirifuuka byenemu okubanga omwo. Musengwa Katonda alireeta mu nsi eyo okutabukatabuka, yaaleetera n'abakungu baayo okufuuka ng'oti bintuntu eyo bityo ebitakaali na mugaso naire.

Isaia 42:22

Aye abantu bano abazigu baabaiba era baabanhaga, era baabatega boonaboona baagwa mu biina, baabasibira mu makomera. Abazigu baabayiiga baabagemya aye nga ghazira abawonia, era baabanhaga aye ghaabulagho abanunula okubaiza.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Yeremia 51:49

Babilonia yaitisa abantu mu nsi yoonayoona. Kale ni, mpegaano yoona baja kugizikiriza olw'okwitisa Abaisiraeli kamaala. Nze Musengwa Katonda, ninze nkobye.”

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Okulira 2:16

Abazigu baimwe boonaboona babaziimuula, beesiimooza, baaluma emba nga bakoba bati: “Otyo, tukizikiriiza! Olunaku luno lulongoire lwatuuka twalubonaku, tubaire tumaze entangama nga tuluteegereire.”

Ezekieli 36:3

“Kale ni langa era olangirire bino, nze Musengwa Katonda bye ndi kukoba nti: Imwe ensozi edh'omu Isiraeli, amaghanga agabaliinaine bwe gaabalumba okuva ku ndhuyi dhoonadhoona, gaabanhagulula era gaabaleka agho mutyo nga muli bifulukwa byereere. Olwo amaghanga ago gaabafuula nsozi dhaago, abantu baaboogerangaku era baabayeeyerezanga.

Hosea 8:8

Abaisiraeli boona bafuuse ng'oti n'abamaghanga agandi, era tibakaali na mugaso ng'oti n'entamu emenheike.

Amosi 8:4

Imwe abatyankirira abateeghanga era ni muzikiriza abaavu mu nsi eno, muwulire bino:

Nahumu 2:2

Kuba Musengwa Katonda aja kwirizaagho Yakobo ekitiibwa kye ekyo nga n'ekitiibwa eky'Abaisiraeli ekyaligho ng'abazigu bakaali kwidha abaanhaga ebintu.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [