Yeremia 51:31 - Baibuli Ekibono kya Katonda 2014

³¹ Abakwenda bali kwidhira kulalakulala, okukobera kyabazinga ow'e Babilonia bati ekibuga kye abazigu bakimenhiemenhie okuva ku ndhuyi dhoonadhoona.

Yeremia 51:31 ပူးပေါင်းရင်းမြစ်များ

2 Ebyomubyanda 30:6

Agho abakwenda baakola nga kyabazinga bwe yalagira, baaja mu Isiraeli ni mu Buyudaaya mwonamwona nga bali n'embaluwa edhiva ye kyabazinga oyo n'abakungu be, edhikoba dhiti: “Imwe Abaisiraeli abaawonagho ni mutatwalibwa bakyabazinga ba Siria, mukyuke mwire eri Musengwa Katonda, Katonda wa Aburahamu, ni Isaaka, ni Isiraeli, memale yeena aire ye muli.

Yobu 9:25

“Enaku dhange dhirumuka embiro okusinga omulumusi; dhiwaaku nga nze tidhifuniemu kalungi.

Yeremia 4:20

Akabi oluba okuvaagho kati ng'akandi kairagho; ensi yoonayoona efuuse bifulukwa byereere. Okuja okutemya n'okuzibula nga weema dhaife badhizikiriiza, nga n'ensuubo dhaamu badhikanwirekanwire mu kaseera buseera.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 50:24

Iwe Babilonia, waanwanisa nze Musengwa Katonda, aye omutego gukugemiisa gwe nakutega nga toidhiiku naire.

Yeremia 50:43

Kyabazinga w'ensi Babilonia aliwulira ebiri kwidha, n'emikono gyamuwaamu amaani; yaawulira obulumi ng'oti bwa mukazi ali kulumwa okuzaala.

Yeremia 51:32

Abazigu bagemye ebifo aghasomokerwa omwiga era bakunaaniiza omuliro ku bifo eby'okwewogomamu. Abaisirukale Abababilonia bali kudhugumira olw'okutya.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.