Yeremia 51:12 - Baibuli Ekibono kya Katonda 2014

¹² Mughanike ebendera muje mulumbe ekimante ekyezungulwire ekibuga Babiloni. Mwongere ku baisirukale abali kukikuuma babe bangi. Muteegho abakuuma omusana n'abakuuma obwire, era muteegho n'abeeteeze okuzinduukiriza abazigu.” Musengwa Katonda atuukiriiza ekyo kye yeesoomera okukola abantu b'omu Babilonia.

Yeremia 51:12 ပူးပေါင်းရင်းမြစ်များ

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 4:28

‘Ekyo kirireetera ensi okulira, ni ku igulu kwairugala; kuba nze kye ndhogeire tiidha kukikyusaamu naire, era kye nsazeegho tiidha kukivaaku naire.’

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 50:25

Ndhigwiregho eiterekero ery'eby'okulwanisa byange, era naabifulumya nga nsungughaire inho kuba nze Musengwa Katonda Afuga Amagye ndi ni kye nja okubikozesa mu nsi eyo ey'Abakaladea.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:27

“Mughanike ebendera mu nsi, era mufuuwe amagwala ng'akamanhiso ak'okuja okulumba, olwo mutegeke amaghanga okulwanisa Babilonia. Mukobe obwakyabazinga bw'e Ararati, n'obwa Minni, n'obwa Ashekenazi, bwidhe bugirumbe. Mulonde anaaduumira okulumba okwo. Musoloze embalaasi dhibe kamaala ng'oti bikuukuulu bya nzige.

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Yoeli 3:2

Ndisoloza abamaghanga goonagoona, naabatwala mu kyetebwa Ekiiko kya Yehoshafati. Era nga bali eyo, ndibasalira omusango olw'ebyo bye baakola ku bantu bange Abaisiraeli kuba baabasansaaniza eyo mu maghanga, era baagabana ensi yange Isiraeli.

Nahumu 2:1

Imwe abantu ab'e Nineve, babalumbye. Oyo aja okumenhamenha ekibuga abatuuseeku! Mute abaisirukale ghaigulu ku kimante ekigumu ekyezungulwire ekibuga era mukuume enguudo edh'omu kibuga. Mwesibe mwenhwegule. Mwetegeke okulwana olutalo.

Yoshua 8:14

Kyabazinga ow'e Ayi bwe yababona, mwene n'abasaadha be boonaboona baayangugha, baaja nga boolekeire ekiiko ekirimu Yorudani okulwana n'Abaisiraeli mu kifo kirala ekyo ng'omukuzi gule. Baali nga tibaidhi ng'eriyo abaja okubalumba nga babava e mugongo.