Yeremia 50:7 - Baibuli Ekibono kya Katonda 2014

⁷ Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Yeremia 50:7 ပူးပေါင်းရင်းမြစ်များ

Zabbuli 71:5

Wo Musengwa Katonda, niiwe mwe nsuubirira era nakwesiga ira okuva mu buto bwange.

Zabbuli 79:7

kuba bamazeegho abantu bo okwita, baaleetera ensi yo okufafaagana.

Zabbuli 90:1

Wo Musengwa Katonda, okuva eira n'eira niiwe otukuuma.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Isaia 56:9

Musengwa Katonda era akoba ati: “Imwe mwenamwena amaghanga ag'endha mwidhe muzikirize abantu bano ng'oti n'ensolo edh'omu nsiko bwe dhizikiriza.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Yeremia 10:25

Kyukiza obusungu bwo ku maghanga agatakusinza, ni ku bantu abo abaloba okukugondera; kuba baatwita ife abantu bo, baatuzikiriza okutumaliriragho, era baaleka ensi yaife ng'eri bifulukwa byereere.

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Yeremia 33:15

Mu kiseera ekyo nditaagho omuntu omutuufu, nga mwidhukulu wa Daudi, yaaba kyabazinga. Kyabazinga oyo alikola amazima n'ebituufu mu nsi.

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 50:14

“Imwe mwenamwena abalasa obulaso, musimbe enhiriri muzingize Babiloni okukyezunguluza era mukirwanise. Mulase obulaso bwaimwe bwonabwona, aghazira kulekagho waire akalala kati, mukizikirize olw'okuba abantu baakyo baakola ebibi eri nze Musengwa Katonda.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 50:33

Musengwa Katonda Afuga Amagye akoba ati: “Abantu Abaisiraeli n'Abayudaaya batuntuzibwa. Era abo boonaboona abaabagema ni babatwala mu bunhage babakuuma butiribiri, aghazira kubalekula kuja.

Ezekieli 34:5

Kale dhaasansaana olw'okubula omwayi, ensolo edh'omu nsiko dhaadhiita dhaadhirya.

Ezekieli 35:12

Olimanha nga nze Musengwa Katonda nawulira byonabyona bye wayogera ng'onhooma ensozi dh'omu Isiraeli, oti dhaalekebwa agho dhityo nga dhiri bifulukwa byereere, era oti dhaakugheebwa iwe odhinhage.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:6

Titwawulirisa bagheereza bo abalanzi, abaayogeranga mu liina lyo eri bakyabazinga baife, n'eri abakulembeze baife, n'eri badhaadha baife, n'eri eighanga lyonalyona.

Zekaria 1:15

Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 11:5

Abo abadhigula, baja baadhiita era ghaaloba kubaagho ababonereza. Abo abadhitunda bakoba bati, ‘Musengwa Katonda asaakibwe, tufuuse bakombe!’ Era abaayi baadho tibadhisaasira naire.”

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.