Yeremia 50:6 - Baibuli Ekibono kya Katonda 2014

⁶ “Abantu bange bali ng'oti n'entaama abaayi dhe balese ni dhibulira eyo mu nsozi. Batambulatambula eyo batyo nga bava ku lusozi luno baaja ku lule, baatuuka n'okwerabira amaka gaibwe.

Yeremia 50:6 ပူးပေါင်းရင်းမြစ်များ

Zabbuli 116:7

Olwo naalekera okweraliikirira, kuba Musengwa Katonda yankolera bukalamu.

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Zabbuli 23:2

Aghali eisubi eirungi, gh'andeka okuwuumulira, era antwala aghali amaadhi amalaavu.

Zabbuli 32:7

Oli kifo kyange mwe neewogoma, niiwe omponia ebizibu wandhidhuza eisanhu olw'okuwonezebwa.

Zabbuli 90:1

Wo Musengwa Katonda, okuva eira n'eira niiwe otukuuma.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Isaia 1:3

Ente emanha mwene yo, n'endogoyi yaamanha ekintu musengwa waayo mw'agigheera eby'okulya; aye abantu bange Abaisiraeli okumanha okwaibwe tikutuuka agho, era abantu bange abo baziramu kategeera naire.”

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Yeremia 10:21

Nze naabakoba nti: “Abakulembeze baife basiru, tibeebuuzaaku ku Musengwa Katonda. Kyova ebintu ni bitabajiira bukalamu, n'abantu be batwala ni basansaana obusansaane.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Yeremia 3:23

Okusinza kwe twasinzanga ku busozi, n'okwasiikana kwe twayasiikananga ku nsozi, bwenebwene byali bya kwerimba. Mu butuufu Musengwa Katonda waife ni yenka alokola Isiraeli.’

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 33:12

Musengwa Katonda Afuga Amagye akoba ati: “Ensi eno eri ng'oti irungu, eziramu bantu waire ensolo, eriiramu okubaamu ebyayiro abaayi mwe batwala ensolo dhaibwe okuliira.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Ezekieli 13:10

“Abalanzi abo babuzaabuza abantu bange, nga babakoba bati, ‘Miraala myereere,’ ate nga ghazira miraala naire. Abantu bwe bazimba ekimante ekitagumye, abalanzi abo bakisiigaku langi endheru kinhirire.

Ezekieli 34:14

Ndidhaayiranga aghali eisubi eirungi, ere ku nsozi endeeyi edh'omu Isiraeli. Dhiririiranga eyo eisubi eigimu mu byayiro ebirungi, dhaawuumuliranga n'eyo ku nsozi edh'omu Isiraeli.

Ezekieli 34:15

Nze mwene ninze ndiba omwayi ow'entaama dhange, era naadhifunira n'ekifo eky'okuwuumuliramu. Nze Musengwa Katonda ninze nkobye.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Matayo 10:6

Aye, muje eri entaama edhaabula edh'omu ndhu ya Isiraeli.

Matayo 15:24

Yesu yairamu ati: “Tyatumibwa ghandi okutoolaku eri entaama edhaabula edh'omu ndhu ya Isiraeli.”

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

1 Petero 2:25

Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.