Yeremia 50:31 - Baibuli Ekibono kya Katonda 2014

³¹ “Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Yeremia 50:31 ပူးပေါင်းရင်းမြစ်များ

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Yeremia 50:32

Iwe ensi eyeekuluntaza, olyekontola waagwa aye ghaabulagho n'omuntu alikuyamba okusitukagho. Ebibuga byo ndibikunaaniaku omuliro, gwazikiriza ebintu byonabyona ebyezungulwire agho.”

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 38:3

Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi omufuzi ow'ab'e Mesheki n'ab'e Tubali.

Ezekieli 39:1

Agho Musengwa Katonda yankoba ati: “Iwe omuntu, langa akabi akali kwidhira Gogi omufuzi ow'ab'e Mesheki n'ab'e Tubali. Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi.

Ezekieli 5:8

Kale ni mubone eno, buti nze Musengwa Katonda waimwe, zeena ndi muzigu ye muli, era ndibasalira imwe omusango naababonereza ng'abamaghanga agabeezungulwire boonaboona babona.

Nahumu 2:13

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve, era nja kwokya ebigaali byo eby'omu lutalo, n'empologoma dho edho ento dhija kwitibwa n'empiima mu lutalo. Nja kukutoolaku ebyo byonabyona bye wanhaga ku bandi, era tekaaba biragiro bya bakwenda bo.”

Nahumu 3:5

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve. Nja kukughembula, amaghanga gakwerolere ng'oli madu, gabone bw'oswala.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”