Yeremia 50:2 - Baibuli Ekibono kya Katonda 2014

² “Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 50:2 ပူးပေါင်းရင်းမြစ်များ

Zabbuli 64:9

Olwo abantu boonaboona baja kutya, baghaye ku ebyo Katonda bye yakola, era bisigale ku myoyo gyaibwe nga babidhuuba.

Zabbuli 96:3

Mumanhise ensi dhoonadhoona nga bw'ali ow'ekitiisa, abantu boonaboona bamanhe nga bw'akola eby'amaani.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Isaia 39:1

Mu biseera ebyo, kyabazinga w'e Babilonia ng'ayetebwa Merodaki Baladani, mutabane wa Baladani, yaawulira nga Hezekia bwe yali alwaire era nga bwe yamala n'awona. Agho yaamughandiikira embaluwa, yaagigha abakwenda baagitwala, baatwaliraku n'ekirabo.

Isaia 46:1

“Eno n'enkomerero y'emisambwa egy'e Babiloni! Ebifaananie eby'emisambwa Beli ni Nebo egyasinzibwanga eira, buti babitwise ku ndogoyi na ku nte. Ebifaananie ebyo byafuuka migugu ku migongo gy'ensolo okudhiruyiriza.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 48:6

Ebyo byonabyona mwabiwulira, era muli n'okwatula muti byali bituufu, kuba mwabibona byatuukirira. Okuva ni mpegaano nja kubakobera ebiyaaka, bye ntabamanhisangaku naire.

Yeremia 10:11

Iwe Musengwa Katonda kyova n'okoba oti: “Emisambwa egyo ti n'egyakola eigulu n'ensi, era gija kuzikirizibwa give ku nsi ni ghansi gh'eigulu.”

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Yeremia 4:16

Baidhie okulabula amaghanga n'okukobera ab'omu Yerusalemu, bati: “Musengwa Katonda akoba ati abazigu bali kwidha nga bava mu nsi ey'eghala. Balirangirira olutalo ku bibuga bya Buyudaaya.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 50:46

Babiloni bwe kirigwa, omuvuuma guliba gwa maani inho n'ensi yoonayoona yaatengeeta. Era okulira kw'abantu baakyo kulija ghala inho kwatuuka ni mu maghanga goonagoona.”

Yeremia 51:12

Mughanike ebendera muje mulumbe ekimante ekyezungulwire ekibuga Babiloni. Mwongere ku baisirukale abali kukikuuma babe bangi. Muteegho abakuuma omusana n'abakuuma obwire, era muteegho n'abeeteeze okuzinduukiriza abazigu.” Musengwa Katonda atuukiriiza ekyo kye yeesoomera okukola abantu b'omu Babilonia.

Yeremia 51:27

“Mughanike ebendera mu nsi, era mufuuwe amagwala ng'akamanhiso ak'okuja okulumba, olwo mutegeke amaghanga okulwanisa Babilonia. Mukobe obwakyabazinga bw'e Ararati, n'obwa Minni, n'obwa Ashekenazi, bwidhe bugirumbe. Mulonde anaaduumira okulumba okwo. Musoloze embalaasi dhibe kamaala ng'oti bikuukuulu bya nzige.

Yeremia 51:31

Abakwenda bali kwidhira kulalakulala, okukobera kyabazinga ow'e Babilonia bati ekibuga kye abazigu bakimenhiemenhie okuva ku ndhuyi dhoonadhoona.

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Yeremia 51:47

Kale ni bona, ekiseera kiri kwidha, nsitule olutalo ku bifaananie bye basinza mu Babilonia. Ensi eyo yoonayoona eriswazibwa n'abantu baayo baitibwa, emirambo gyaibwe gyaba bw'agho gityo.

Yeremia 51:52

Kale ni, nze nkoba nti, ekiseera kiri kwidha nsitule olutalo ku bifaananie bye basinza mu Babilonia, era abantu abaliba bafumitiibwa balisinda mu nsi eyo yoonayoona.

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Yeremia 52:31

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'eitaanu (25), mu mwezi ogweikumi n'ebiri, mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

Yeremia 6:18

Agho Musengwa Katonda yaakoba ati: “Muwulirise imwe amaghanga, imwe abantu abeesoloiza mumanhe ekija okutuuka ku bantu bange.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 3:14

Yaababuuza ati: “Imwe, Shaduraka, Meshaki, ni Abedinego, obwo bwenebwene kituufu nti muloba okugheereza bakatonda bange waire okusinza ekiwumbe kya zaabu kye nataagho?

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Okwolekebwa 18:2

Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.