Yeremia 50:14 - Baibuli Ekibono kya Katonda 2014

¹⁴ “Imwe mwenamwena abalasa obulaso, musimbe enhiriri muzingize Babiloni okukyezunguluza era mukirwanise. Mulase obulaso bwaimwe bwonabwona, aghazira kulekagho waire akalala kati, mukizikirize olw'okuba abantu baakyo baakola ebibi eri nze Musengwa Katonda.

Yeremia 50:14 ပူးပေါင်းရင်းမြစ်များ

2 Samueli 10:9

Yoabu bwe yabona ng'abazigu baidha kumulumba nga bamuva emberi n'emugongo, yaalonda mu balwani ba Isiraeli abasaadha abasinga kulwana, baasimba enhiriri nga boolekeire Abasiria.

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Isaia 5:28

Obusaale bwaibwe bwogi, n'obulaso bwaibwe bwonabwona babudhuumwire. Ebinuulo by'embalaasi dhaibwe bibbalangafu ng'oti mabaale, n'enkede edh'ebigaali byaibwe eby'omu lutalo dhirumuka ng'oti n'empewo eyeezungulula n'amaani.

Yeremia 46:9

Muduumire embalaasi dhije dhirumbe, n'ebigaali eby'omu lutalo biwuluguke embiro! Imwe abalwanisa engabo ab'e Ethiopia n'ab'e Puti, muje mulumbe. N'imwe abakugu mu kulasa obusaale ab'e Ludi, muje mulumbe.’ ”

Yeremia 49:14

Agho nze Yeremia naakoba nti: “Edomu, nawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga, ng'akoba ati, ‘Mwetegeke, muje mulumbe Edomu.’

Yeremia 49:35

Yakoba ati: “Nze Musengwa Katonda Afuga Amagye, ndiita abalasa obusaale boonaboona abaleeteire Elamu okuba ey'amaani etyo.

Yeremia 50:11

Musengwa Katonda akoba ati: “Imwe abantu b'omu nsi Babilonia, mwanhagulula eighanga lyange. Muli basangaavu era muli kusagambya, ng'oti n'ente ento bw'etuumiratuumira mu isubi, era muli kugufula ng'oti mbalaasi nume.

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Yeremia 50:9

Ndi kuja kusiikuula amaghanga ag'amaani agali ku luuyi olw'omukono omugooda olw'e buvandhuba, ngaleetere okulumba ensi Babilonia. Balisimba enhiriri baalumba ensi eyo, baagighangula. Abantu abo bakugu mu kulasa obulaso, era mu kuteeba tibasubwa naire.

Yeremia 51:2

Ndisindika abagwira baazikiriza Babilonia ng'oti n'ole asensa ebikaba mu ngaano. Olunaku olw'okuzikiriza bwe lulituuka, baligirumba nga bava ku ndhuyi dhoonadhoona, baagimaliriramu ebintu byonabyona.

Yeremia 51:27

“Mughanike ebendera mu nsi, era mufuuwe amagwala ng'akamanhiso ak'okuja okulumba, olwo mutegeke amaghanga okulwanisa Babilonia. Mukobe obwakyabazinga bw'e Ararati, n'obwa Minni, n'obwa Ashekenazi, bwidhe bugirumbe. Mulonde anaaduumira okulumba okwo. Musoloze embalaasi dhibe kamaala ng'oti bikuukuulu bya nzige.

Yeremia 51:3

Ndibalagira nti, ‘Mutaganha baisirukale baayo kuvaala bivaalo byaibwe eby'omu kifuba eby'ekyuma, waire kulasa busaale bwaibwe. Muzikirize eigye lyayo lyonalyona! Mutalekaagho waire abo abaisirukale abakaali abaisuka.’

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Okwolekebwa 17:5

Mu kyeni kye mwali mughandiikiibwamu eriina ery'amakulu amagise liti: “Babiloni omukologho, azaala bamalaaya n'ebyenhinhalwa eby'oku nsi.”

1 Samueli 17:20

Daudi yaasitukagho ku nkyo, entaama yaadhirekera omuntu anaadhirabirira, yaatwala eby'okulya nga Yesse bwe yamulagira. Yaatuuka mu kifo Abaisiraeli ghe baasimba weema dhaibwe, ng'eigye liri kufuluma okuja okulwana, eno nga bwe lyemba enhembo edh'omu lutalo.