Yeremia 5:5 - Baibuli Ekibono kya Katonda 2014

⁵ Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Yeremia 5:5 ပူးပေါင်းရင်းမြစ်များ

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Okuvaayo 32:25

Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:31

Imwe Abaisiraeli muwulire nze Musengwa Katonda kye nkoba. Nabeefuukirakuuku naababeera ng'oti irungu, era ng'oti n'ensi egemye enzikiiza eri bedimudimu? Kale imwe bantu bange kiki ekiboogeza muti, ‘Tuli ba idembe, titukaira y'oli?’

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 8:7

Ni bw'aba sekanhulya amanha ebiseera bye eby'okwiriramu eka. Enjiibwa n'obumiini ni ŋaali, bikuuma ebiseera byabyo eby'okusengukiramu. Aye imwe abantu bange timwidhi mateeka gange nze Musengwa Katonda.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Ezekieli 11:2

Katonda yankoba ati: “Iwe omuntu, abo n'abantu abayiiya okukola ebibi era abagha abantu ab'omu kibuga kino amagezi amabi,

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Luka 18:24

Yesu bwe yamubona ng'afootookereire yaakoba ati: “Nga kikalangafu abakombe okwingira mu Bwakyabazinga bwa Katonda!

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.