Yeremia 5:31 - Baibuli Ekibono kya Katonda 2014

³¹ Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 5:31 ပူးပေါင်းရင်းမြစ်များ

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

Ensambo 17:4

Omukozi w'ebibi awulirisa empayo edh'abakozi b'ebibi; n'omuguya yaajiira ku baguya bye boogera.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Yeremia 12:4

Ensi yaife erituusa li okukala, n'eisubi lyamu lyonalyona okuniala? Ensolo n'enhonhi dhiri kufa, olw'obubi bw'abantu baife abo abakoba bati: “Katonda tabona bye tukola.”

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 26:7

Bakabona, n'abalanzi, n'abantu abandi boonaboona, bampulira nze Yeremia nga nkoba ebintu ebyo mu isinzizo.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Okulira 4:18

Ng'abazigu batulondoola buli ghe tuta ekigere, baatutiisa n'okutambulira mu nguudo, twawulira mule nga okufa tikuli ghala, ng'enaku dhisigaireyo mbale bubale.

Ezekieli 13:10

“Abalanzi abo babuzaabuza abantu bange, nga babakoba bati, ‘Miraala myereere,’ ate nga ghazira miraala naire. Abantu bwe bazimba ekimante ekitagumye, abalanzi abo bakisiigaku langi endheru kinhirire.

Ezekieli 13:6

Balimba abantu bati babonekeirwa era baalanga eby'obuguya. Baabakobera mbu bali kwogera bukwenda bwange nze Musengwa Katonda, ate nga ti ninze mbatumye. Era basuubira mbu nze ndidha kutuukiriza bye bakobye.

Ezekieli 22:14

Olowooza oti mu biseera bye ndikukangaivuliramu, oliba okaalimu amaani era ng'okaasobola waire okugalula omukono gwo? Nze Musengwa Katonda ninze mwene nkobye, era ekyo ndikikola.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Hosea 6:10

Mu Isiraeli mboinemu ekintu ekibi einho. Abantu bange abo ti beesigwa ye ndi naire. Bali ng'oti n'omwenzi era beereeteire okuba abatali balongoofu.

Hosea 9:5

Mulikola mutya ku nnaku edh'ebibinuko ebyalagirwa, enaku edh'okukuza embaga ya Musengwa Katonda?

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Mika 2:6

Abantu bankoba bati: “Totukobera ebyo. Omuntu tagwaine kukoba ku bintu oti n'ebyo. Musengwa Katonda taja kutubonereza na kutuswaza bwaga agho.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.