Yeremia 5:3 - Baibuli Ekibono kya Katonda 2014

³ Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 5:3 ပူးပေါင်းရင်းမြစ်များ

Amainhama 19:34

Olunaku olwairaku, omughala omukulu yaakoba muke we ati: “Nze nabaire naye obwire. Ka tumutamiize kabiri obwire buno, weena obe naye memale olwo tuzaale naye abaana.”

1 Bakyabazinga 13:33

Ebyo nga biwoire, kyabazinga Yeroboamu era tiyakyuka naire n'alekayo mpisa dhe mbi. Aye yeeyongera bweyongere okutaagho baakabona ab'ebifo ebigulumivu ebisinzibwamu, ng'abatoola mu bantu ababuliidho. Yaayawulanga kiisi muntu eyayendanga okuba kabona, yaamufuula kabona w'ekifo ekigulumivu ekisinzibwamu.

2 Bakyabazinga 1:13

Kyabazinga yaatuma omusaadha owokusatu akulira abaisirukale amakumi ataanu, ng'ali n'abaisirukale be amakumi ataanu, yaaniina olusozi yaakuba amakiryaivu mu maiso ga Eliya. Yaamwegayirira ng'akoba ati: “Nkweghembye muntu wa Katonda iwe, ngemerwa ekivunika owonie obulamu bwange n'obw'abagheereza bo bano amakumi ataanu.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Zabbuli 55:20

Munange bwe twabitanga yatanula olutalo ku bakagwa be, yaamenhagho omukago gwe nabo.

Ensambo 21:29

Omuntu omubi yeekazakaza mu maiso, aye omwesimbu aba mukakafu mu by'akola.

Ensambo 22:12

Musengwa Katonda yeekalirisa okubona ng'amazima gakuumibwa, aye atakania obulimba obw'abaguya.

Ensambo 23:35

Agho waakoba oti: “Bankonse aye tibaanoziiza! Bankubye aye tiwuliire bulumi. Oba nnaasituka li nfuneyo ogundi nhweku kabiri?”

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Isaia 48:4

Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 15:7

Mu buli kibuga eky'omu nsi eno, imwe abantu bange nabasensa n'olugali ng'oti n'ole asensa engaano enkube, empewo n'efuuwa ere ebiwusu byaku. Naita abaana baimwe, niimwe abantu bange naabazikiriza, olw'okuba mwaloba okukyuka ni muva mu mpisa dhaimwe embi.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Yeremia 35:13

“Yeremia, Nze Musengwa Katonda Afuga Amagye, Katonda wa Isiraeli nkulagiire oje obuuze abantu b'omu Buyudaaya n'ab'omu Yerusalemu ensonga lwaki baloba okuwulira bye mbalagira ni bye mbagalagira.

Yeremia 44:10

Aye ni ye buli eno timwegangaku kwewombeeka mu maiso gange, waire okuntya, oba waire okwebisa nga mujiira ku mateeka ge nabagha, imwe ni badhaadha baimwe.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Yeremia 7:28

Oidha kubakoba oti eighanga lyaibwe tirimpulira nze Musengwa Katonda waalyo era tiriganha kugalagirwa. Tirikaali na mazima, waire okugoogeraku obwogere.’”

Yeremia 8:5

Memale lwaki imwe abantu bange mwadaaliima ni munvaaku obutenda kwira naire? Mwekalangula ku by'obuguya mwaloba okwira ye ndi.

Ezekieli 2:4

Bali n'empwitu era tibantaamu kanhagansi naire. Kale ndi kukutuma ye bali, obakobere nze Musengwa Katonda bye ndi kubakoba.

Ezekieli 24:13

Yerusalemu, obutalaivu obwo n'obwo obwenzi bwo bw'okola. Era olw'okuba nafuba inho okukulongoosa aye nga tosobola kulongooka n'owaamu ikoodera, toliiramu kabiri kulongooka okutuusa lwe ndikumaliraku obusungu bwange.

Danieli 9:13

Aye waire akabi ako akaaghandiikibwa mu mateeka ga Musa kaatutuukaku, era titukweghembangaku iwe Musengwa Katonda waife otugemerwe ekivunika, waire okukyuka tuve mu bibi byaife tujiirenga ku mazima go.

Abalevi 26:23

“Ebibonerezo ebyo era bwe binaalemwanga okubaiza ye ndi, ni mwongera okukola empwitu,

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

Amosi 4:11

“Era ninze eyazikiriza abandi ku imwe nga bwe nazikiriza ab'e Sodoma n'ab'e Gomorra. Imwe abaawonagho mwaba ng'oti n'oluti olutooleibwa mu muliro. Aye era mwaloba okwira ye ndi.

Amosi 4:6

“Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Amosi 4:8

Kale abantu ab'omu bibuga ebibiri oba ebisatu, baaja nga batambulatambula eyo batyo mu kibuga ekirala okufuna ku maadhi ag'okunhwa, aye nga ti gabamala. Aye era mwaloba okwira ye ndi.

Amosi 4:9

“Era ninze eyasindikira ebisimbe byaimwe okuvuluka n'okwengerera, era naakaza emisiri gyaimwe n'amasamba gaimwe ag'emizabbibu. Enzige dhaidha dhaalya emiti gyaimwe emitiini n'emyoliva. Aye era mwaloba okwira ye ndi.

Zefania 3:7

Naadhuuba nti abantu bange banantya era baaganha okugololwa ensobi dhaibwe. Era naadhuuba nti tibaidha kwerabira ebyo byonabyona bye nababonerezaamu. Aye beeyongera bweyongere okukola ebikolwa ebibi.”

Ab'e Roma 2:2

Twidhi nga Katonda bw'asalira abantu abo abakola ebintu ebyo omusango, aba mutuufu.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?