Yeremia 5:29 - Baibuli Ekibono kya Katonda 2014

²⁹ Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 5:29 ပူးပေါင်းရင်းမြစ်များ

Isaia 57:6

Mutoola eyo amabaale amaseene obukalamu mwagasinza ng'oti bakatonda. Mugafukira ebigheebwayo eby'okunhwa era mwagaleetera ebigheebwayo eby'emere ey'empeke. Mulowooza muti munampooyawooya nga mukola ebyo?

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 6:6

Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Yeremia 9:9

Nze Musengwa Katonda nkoba nti, nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.