Yeremia 5:24 - Baibuli Ekibono kya Katonda 2014

²⁴ Timukoba naku mule muti, ‘Ka tutye Musengwa Katonda waife aleetera amaadhi okugwa mu biseera byago, mu mutoigo ni mu musambya, era n'atuteeragho ebiseera eby'amakungula buli mwaka.’

Yeremia 5:24 ပူးပေါင်းရင်းမြစ်များ

Amainhama 8:22

Ensi ng'ekaaligho: okusiga n'okukungula, obwinhogovu n'olwota, ebiseera eby'endoboozi n'eby'ekiinhogogo, omusana n'obwire, ebyo byonabyona tibija kuwaagho.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Yobu 29:23

Banteegereranga ng'oti n'abateegerera amaadhi okugwa, baaba ng'oti n'abalimi bwe basangaalira ekire ky'amaadhi amatoigo.

Yobu 38:37

Naani asobola okukozesa amagezi n'abala ebire? Oba okubighendheka n'afuka amaadhi agabirimu,

Yobu 5:10

Agwisa amaadhi ku nsi, yaafukirira enimiro.

Zabbuli 147:8

Aghemba ku igulu ebire, yaasindika amaadhi agagwa ku nsi era yaameza eisubi ku nsozi.

Zabbuli 65:9

Otugheereza amaadhi gaagwa okwoleka nga bw'olabirira ensi, waagigha eitaka eigimu einho, waagigha emiiga egitakala, ebirime byakula bukalamu. Otyo bwe wabikola.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Yeremia 10:13

Bw'alagira, amaadhi ku igulu gadudumuka, era asitusa olufu ku ndhuyi dhoonadhoona edh'ensi. Aleetera olukuba okughemya ng'amaadhi gali kugwa, era yaatoolayo empewo mu materekero ge, yaagireeta.

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Zekaria 10:1

Imwe abantu ba Musengwa Katonda, mumusabenga abaghe amaadhi mu biseera byago bye gagwiramu. Musengwa Katonda oyo n'aleetera ebire okwekuluumulula, olwo yaagha abantu amaadhi, gaagwa mu nimiro dhaibwe dhaameramu ebisimbe.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Ebikolwa by'Abatume 14:17

Ate nga Katonda tiyeegisa, yeeyoleka mu ebyo ebikalamu by'akola: Abagha amaadhi, okuva mu igulu, abaza ebibala mu biseera byabyo, abagha emere era aidhuza emyoyo gyaimwe okusagamba.”

Amateeka Agokubiri 28:12

Musengwa Katonda aidha kubaigulirangagho eiterekero lye ery'ebirungi, eigulu ligwisenga amaadhi mu nsi yaimwe mu biseera byago. Era aidha kubaghanga enkabi mu byonabyona bye munaakolanga, musobole okuwolanga amaghanga kamaala, aye nga imwe timugeewolwaku.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.