Yeremia 5:22 - Baibuli Ekibono kya Katonda 2014

²² Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Yeremia 5:22 ပူးပေါင်းရင်းမြစ်များ

Amainhama 1:9

Agho Katonda yaakoba ati: “Amaadhi agali ghansi gh'eigulu geesololeze ghalala, olwo obukalu buboneke.” Era kyaba kityo.

1 Bakyabazinga 13:28

Yaavuga endogoyi, yaaja yaayagaana omulambo gw'omulanzi nga gugwire agho mu ngira. Era ng'endogoyi n'empologoma byemereire kumpi nagwo empologoma nga teguliire era nga teyuziizayuziiza ndogoyi.

Yobu 26:10

Yataagho olukoloboze okwezunguluza enhandha, okwawula obutangaavu ku nzikiiza.

Yobu 37:24

Abantu kyebava bamutya, kuba tamalira biseera bye ku abo abeeyeta abagezi.”

Yobu 38:8

Oba naani eyaigaliza enhandha n'endhigi, ng'eghagwiza ng'oti n'ekintu ekiva mu nda ya inhaakyo?

Zabbuli 104:9

Wataagho ensalosalo ye gatateekwa kubitaku galobe kwiramu kabiri kughemba ku nsi.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Zabbuli 46:3

n'amaadhi gaamu ni gawologoma ng'oti mpologoma era ni gafuukeera, n'ensozi ni dheesundasunda n'amaani amangi einho.

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Ensambo 8:29

Nali naye lwe yataagho ensalosalo enhandha kw'enaakomanga, amaadhi galobe kuswikangagho. Era nali naye lwe yataagho emisingi egy'ensi.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 31:35

Musengwa Katonda yataagho endhuba emuliikirirenga omusana. Era yaataagho omwezi n'emuunienie byakenga obwire. Era mwene oyo n'asiikuula enhandha n'agireetera okuwolomboka nga yeekuluumulula. Eriina lye ni Musengwa Katonda Afuga Amagye.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Amosi 4:12

“Kale ni Baisiraeli imwe, nja kubabonereza era olw'ekyo mwetegekerenga omusango gwe nja okubasalira.”

Amosi 9:6

Musengwa Katonda oyo azimba endhu ye eyo ghaigulu mu igulu, era ghaigulu gh'ensi yataagho eibanga. Yaayetesa amaadhi ag'omu nhandha, yaagafuka ku bukalu. Eriina lye ni Musengwa Katonda.

Yona 1:16

Abasaadha baatya Musengwa Katonda ekibitiriire. Baamugha omusengo era beeyama.

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Mariko 4:39

Yesu yaasituka yaakaabukira kiwunga, n'enhandha yaagikoba ati: “Sirika, laala!” Era kiwunga yaalekera, n'enhandha yaalaala inho.

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

Amateeka Agokubiri 28:58

“Bwe mutaagemenga biri mu mateeka gano goonagoona agaaghandiikibwa mu kitabo kino ni mu bituukiriza, era bwe mutaatyenga liina lya Musengwa Katonda waimwe ery'ekitiisa erireetera abantu okumutya,

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”