Yeremia 5:21 - Baibuli Ekibono kya Katonda 2014

²¹ Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 5:21 ပူးပေါင်းရင်းမြစ်များ

Zabbuli 94:8

Mulitegeera li imwe abadoofu abasembayo? Mulibaamuuku li ku magezi imwe abasiru?

Ensambo 17:16

Kigasa ki omusiru okuba n'empiiya edh'okusasulira amagezi, ng'ate azira kutegeera?

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 43:8

Katonda akoba ati: “Muleete abantu bange bawozesebwe abatulu abo ate nga bali n'amaiso, era abasigha ate nga bali n'amatu.

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Yeremia 5:20

Musengwa Katonda akoba ati: “Kobera baidhukulu ba Yakobo, olangirire eri abantu b'omu Buyudaaya abo, oti

Yeremia 5:4

Agho naakoba mule nti: “Abantu bano baavu inho era bazira kye baidhi. Tibaidhi Musengwa Katonda by'ayenda, waire okumanha amateeka ga Katonda waibwe oyo.

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Yeremia 8:7

Ni bw'aba sekanhulya amanha ebiseera bye eby'okwiriramu eka. Enjiibwa n'obumiini ni ŋaali, bikuuma ebiseera byabyo eby'okusengukiramu. Aye imwe abantu bange timwidhi mateeka gange nze Musengwa Katonda.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

Zekaria 7:11

“Aye abantu bange baakola bwa mpwitu, baaloba kuwulira waire okufaayo.

Mariko 4:12

olwo babe, ng'okumoga bamoga aye nga tibabona, n'okuwulira baawulira aye nga tibategeera; kuba bandibaire bakyuka baasoniyibwa ebibi byaibwe.”

Mariko 8:18

Emyoyo gyaimwe mikalangufu? Muli n'amaiso aye timubona? Era muli n'amatu aye timuwulira? Timwidhukira,

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Ebikolwa by'Abatume 28:26

Ja y'abantu bano obakobe oti: ‘Bwenebwene muliwulira, aye timulitegeera. Bwenebwene mulibona, aye nga timubona.

Ab'e Roma 1:20

Kasookanga ensi etondebwa, embeera ye etaboneka, era n'obukumu bwe obutawaagho, n'Obwakatonda bwe, bibonekera irala bukalamu nga bimanhikira mu bintu bye yatonda. Kale bazira kya kuwoza naire.

Ab'e Roma 11:8

nga bwe kyaghandiikibwa kiti: “Katonda yabagha emyoyo emisirusiru, yabagha amaiso agatabona n'amatu agatawulira okutuukiza irala ni ye buli eno.”

Amateeka Agokubiri 29:3

Mwabona ebibamba bye yasindika, n'ebyewuunhio bye yakola, ghalala n'ebyewuninkiriza.

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?