Yeremia 5:18 - Baibuli Ekibono kya Katonda 2014

¹⁸ Musengwa Katonda akoba ati: “Waire enaku edho dhiriba dhityo, aye era tiribazikiriza mwenamwena kubamalagho.

Yeremia 5:18 ပူးပေါင်းရင်းမြစ်များ

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 5:10

Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 5:19

Era iwe Yeremia, abantu bwebalibuuza bati, ‘Lwaki Musengwa Katonda waife yatuleetera bino byonabyona okututuukaku?’ Olibairamu oti, ‘Nga bwe mwamuvaaku ni musinza mu nsi yaimwe bakatonda ab'amaghanga agandi, mwidha kutwalibwa mugheereze abagwira mu nsi etali yaimwe.’ ”

Ezekieli 11:13

Nali nkaalangirira ebyo, Pelatia mutabane wa Benaia yagwa ghansi yaafa. Agho naakuba amakiryaivu era naakutama n'ekyeni kyatuuka ku itaka. Naaleekaana nti: “Aa, Musengwa Katonda, obwo bwenebwene oja kumaliragho irala buli muntu eyali awoniegho mu Isiraeli?”

Ezekieli 20:17

“Aye nabasaasira, naaloba kubazikiriza kubamaliriragho nga bali eyo mu irungu.

Ezekieli 9:8

Bwe baali nga bali kwita, nze nali nsigaire agho zenka. Agho naakuba amakiryaivu era naakutama n'ekyeni kyatuuka ku itaka. Naakuba empungu, naakoba nti: “Wo Musengwa Katonda, obwo bwenebwene oja kwita buli muntu asigairegho mu Isiraeli olw'ekiruyi ekikuliku olwa Yerusalemu?”

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.