Yeremia 5:17 - Baibuli Ekibono kya Katonda 2014

¹⁷ Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 5:17 ပူးပေါင်းရင်းမြစ်များ

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 62:9

Aye abo abaakungula emere eyo, n'abaligirya baasaaka Musengwa Katonda. N'abo abaanoga emizabbibu n'abalinhwera omwenge gwagyo mu mpya dh'ekifo kyange ekitukuvu.”

Isaia 65:22

Ole talizimba ndhu, kabiri omuntu wundi n'agibaamu. Era ole talisimba kintu, kabiri owundi n'akirya. Ng'emiti bwe gighangaala emyaka kamaala, n'abantu bange batyo bwe balighangaala. Abantu bange abo be nalondamu, balirwagho nga bakaalya ku bintu byaibwe bye baafaabiikanira.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

Yeremia 25:37

era ensi yaibwe eyabangamu emiraala agirese agho etyo ng'eri bifulukwa byereere, olw'obusungu bwe obubitirivu.

Yeremia 4:26

Naalingirira nti, naabona ng'ensi eyali engimu efuuse irungu; nga n'ebibuga byamu babizikiriiza byafuuka bifulukwa byereere. Kuba Musengwa Katonda yabasungughalira ekibitiriire.

Yeremia 4:7

Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Yeremia 5:18

Musengwa Katonda akoba ati: “Waire enaku edho dhiriba dhityo, aye era tiribazikiriza mwenamwena kubamalagho.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Yeremia 8:13

“Nayenda okusoloza abantu bange ng'oti n'omuntu bw'asoloza by'akungula. Aye nga bali ng'oti n'omuzabbibu oguziraku mizabbibu, oba ng'oti n'omutiini oguziraku mitiini. Era n'amakaba nga gaaniala. Kale ni, n'ebyo bye nali mbaghaire biribatoolebwaku.”

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Okulira 2:12

Balira nga basuubira bakaire baibwe okubagha eky'okulya n'eky'okunhwa. Batondoka baagwa ku nguudo edh'ekibuga ng'oti n'abasaadha abatabaazi be bafumiite. Obulamu obw'abaana abo buja nga buweeragho mu ngalo dha bakaire baibwe.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Ezekieli 36:4

Agho ni, imwe ensozi edh'omu Isiraeli, muwulirise bino nze Musengwa Katonda bye ndi kukoba ensozi, n'obusozi, n'obwinhamo, n'ebiiko, n'ebifo bye baazikiriza ni bisigala agho bityo nga biri bifulukwa byereere, n'ebibuga bye baanhagulula ni babireka agho nga muzira bantu, buti ebyafuuka enseko eri amaghanga goonagoona agabaliinaine.

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Zefania 3:6

Musengwa Katonda akoba ati: “Nzikiriiza amaghanga, naasaaniagho ebimante ebigumu ebyezungulwire ebibuga byago, n'ebituuti ebirengererwaku. Naazisa enguudo dh'omu bibuga ebyo nga ghazira adhibitamu ebibuga ebyo byawolongera nga ghazira muntu abibaamu.

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.