Yeremia 5:13 - Baibuli Ekibono kya Katonda 2014

¹³ Abalanzi bali ng'oti muuka buuka, bazira bukwenda bwe baleeta naire. Bye boogera biidha bwa kubairirangaku beene.”

Yeremia 5:13 ပူးပေါင်းရင်းမြစ်များ

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 6:26

Mudhuuba muti musobola okungalagira mu bye nkobye, ate nga beene imwe muli kumbona ng'omuntu ali kwogera eby'obwereere, ebiri ng'oti mpewo?

Yobu 8:2

“Onaatuusa gha okwogera ebibono ebyo, ebiri ng'empewo obuwewo?

Ensambo 25:14

Omuntu asuubiza ekirabo aye n'atakigha, ali ng'oti bire na mpewo ebitavaamu maadhi ni gagwa.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Yeremia 14:13

Nze naakoba nti: “Aa, Musengwa Katonda waife, abalanzi bakobera abantu abo bati, ‘Tighaja kubaagho lutalo waire endhala, kuba mbu iwe wasuubiza oti ghaidha kubangagho miraala myereere mu nsi yaife.’ ”

Yeremia 14:15

Agho ni, nze Musengwa Katonda ka nkukobere kye nja okukola abalanzi abo be ntatumangaku, aye ate ni balanga mu liina lyange nga bakoba mbu tighaja kubaagho lutalo waire endhala mu nsi eno: Ndidha kubazikiriza mu lutalo era mbasindikire endhala ebaite.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 22:22

Abakulembeze baimwe boonaboona balitwalibwa ng'oti n'ebikaba empewo bw'ebifuuwa ere. Abo be mwakolagananga nabo balitwalibwa mu bunhage. Olwo ensoni dhaabagema mwaswala olw'ebibi byonabyona bye mwakola.

Yeremia 28:3

Mu myaka ebiri egiidha, nja kwiza mu kifo kino ebintu byonabyona eby'eisinzizo, kyabazinga Nebukadinezzari bye yatwala e Babilonia.

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.