Yeremia 5:10 - Baibuli Ekibono kya Katonda 2014

¹⁰ Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’

Yeremia 5:10 ပူးပေါင်းရင်းမြစ်များ

2 Ebyomubyanda 12:4

Yaanhaga ebibuga ebyezungulwirwa ebimante ebigumu eby'omu Buyudaaya, okutuukira irala n'e Yerusalemu.

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 46:28

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 5:11

Abantu ab'omu Isiraeli n'ab'omu Buyudaaya, tibabaire beesigwa ye ndi naire. Nze Musengwa Katonda, ninze nkobye.”

Yeremia 5:18

Musengwa Katonda akoba ati: “Waire enaku edho dhiriba dhityo, aye era tiribazikiriza mwenamwena kubamalagho.

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Ezekieli 12:16

Aye ndirekaghooku abatono baawona okwitibwa mu ntalo, n'okulambuka endhala, n'okufa endwaire ya kawumpuli. Olwo basobole okutegeera, eyo ye baliba mu maghanga, nga baakola ebyenhinhalwa. Era olwo bamanhe nga ninze Musengwa Katonda.”

Ezekieli 14:17

“Oba bwe ndeetera olutalo okwidha mu nsi, ni ndulagira okwita abantu n'ensolo okumaliriragho,

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Amosi 9:8

Bona eno, nze Musengwa Katonda ntaire eriiso lyange ku bwakyabazinga bwaimwe Abaisiraeli obwonooni. Era ndidha kubuzikiriza buve ku nsi kuno. Aye tiidha kuzikiriza nda ya Yakobo kugimaliriragho.

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.