Yeremia 5:1 - Baibuli Ekibono kya Katonda 2014

¹ Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Yeremia 5:1 ပူးပေါင်းရင်းမြစ်များ

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Zabbuli 12:1

Wo Musengwa Katonda, tubeere otuwonie, kuba tighakaaligho bantu bakaakutya iwe, waire okubaagho abakaakwesiga.

Zabbuli 14:2

Musengwa Katonda aba mu igulu yaalingirira ghansi, okubona oba nga eriyo omuntu alimu amagezi, asinza Katonda.

Zabbuli 14:3

Aye boonaboona baaghaba, boonaboona baidhwire bukupya. Ghazira akola kituufu, ghazira naire omulala ati.

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Ensambo 20:6

Abantu kamaala beesuuta okuba ab'ekisa, aye omwesigwa naani asobola okumuzuula?

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ensambo 8:3

Galangirira nga gali mu kifo eky'olwekobaano gha mulyango ogwingira ekibuga, mu kifo abantu ghe beesololeza. Gakoba gati:

Olwembo 3:2

Naakoba mule nti: “Ka nsituke nje ntambuletambule eyo mu kibuga, mu nguudo dhaakyo ni mu mpya dhaakyo, mmunoonie oyo ye ngonza.” Naamunoonia aye naaloba kumuzuula.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Yeremia 2:29

Musango ki gwe muunumiriza? Lwaki mwenamwena mundheemeire?

Yeremia 44:15

Agho abasaadha boonaboona abaamanha nga bakazi baibwe baaniokezanga bakatonda obubbaani, n'abakazi boonaboona abaali beesoloiza nga beemereire agho, ghalala n'Abaisiraeli kamaala abaali nga baba mu biketezo bya Misiri ebiri ku luuyi olw'omukono omusaadha olw'e buvandhuba, bankoba bati:

Yeremia 8:6

Nafaayo inho okubawulirisa, aye ghaabulagho ayogera ekituufu. Ghazira muntu yeeneniaku lwa bibi bye, n'akoba ati, ‘Kiki kino kye nkoze?’ Buli muntu agema bwa ngira ye, yaasimba busimbe ng'oti n'embalaasi eri kweyuna mu lutalo.

Yeremia 9:2

Nguli ndi n'ekifo mu irungu mwe nsobola okuba, nandiviire mu bantu bange naaja naaba eyo; kuba boonaboona ti beesigwa naire, baafuuka kikuukuulu kya bantu ba nkwe.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Ezekieli 22:30

Nanoonia mu bantu abo aye tyafunamu waire mulala, asobola okuzimba obuyaaka ekimante waire okukuuma mu bifo ekimante ghe kyawomolwa ebituli, asobole okuwonia ensi eyo, ndobe kugizikiriza.

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Yoeli 2:9

Dhituumira mu kibuga dhaakirumba, dhaatuuka ku mayumba, dhaaghalampa ebimante byago, dhaingirira mu madinisa ng'oti baibi.

Amosi 8:12

Abantu balitambulatambula eyo batyo okuva ku nhandha okutuuka ku nhandha, n'okuva ku luuyi olw'omukono omugooda olw'e buvandhuba okutuuka ku luuyi olw'omukono omusaadha era olw'e buvandhuba. Balirumukira eno n'ere nga baagala ghe banaawulira ku kibono kyange, aye tighaliba ghe bakyagaana.

Zekaria 2:4

Malaika eyasooka yaakoba ole owundi ati: “Lumuka oje, okobe omwisuka oyo ali n'olukoba olupima mu ngalo oti, mu Yerusalemu muja kubaamu abantu kamaala inho era nga bali n'ebyayo byaibwe kamaala. Kale nga tibasobola kuweera mu kibuga ekyo nga kyezungulwirwa ekimante.

Luka 14:21

“Kale omugheereza yaira yaabikobera musengwa we. Agho mwenemu yaasungughala, era yaalagira omwiru we ati, ‘Ja mangu mu buguudo ni mu nguudo edh'ekibuga oleete abaavu, abateesobola, abatulu n'abalema.’

2 Ab'e Thessalonika 2:10

Alikozesa obuguya bwa Sitaani obwa buli nsambo ku abo ab'okuzikirira, kuba baaloba okusangaalira n'okugonza amazima balokolebwe.