Yeremia 49:8 - Baibuli Ekibono kya Katonda 2014

⁸ Imwe abantu ab'e Dedani, mukyuke mulumuke, muje mwegise! Nja kuzikiriza baidhukulu ba Esau, kuba ekiseera kituuse eky'okubabonereza.

Yeremia 49:8 ပူးပေါင်းရင်းမြစ်များ

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 21:13

Buno n'obukwenda obugema ku Buwarabu: Imwe abatambuze Abadedani mwidha kusulanga mu bisaka mu Buwarabu,

Isaia 34:5

Musengwa Katonda ng'ali eyo mu igulu, ategeike empiima ye, era eidha kwidha eike ku Edomu, esobole okwita abo boonaboona b'asaliire ogw'okuzikirizibwa.

Yeremia 25:23

bakyabazinga b'ebibuga Dedani, ni Tema, ni Buza, n'abantu boonaboona abaasalanga ku nviiri dhaibwe

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Yeremia 48:28

“Imwe abantu b'e Moabu, muve mu bibuga byaimwe, muje mubenga mu mbaalebaale. Mube ng'oti mayemba agazimba mu ndhatika edhiba mu gabaale.

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Yeremia 48:6

“Baakoba bati, ‘Mulumuke muwonie obulamu bwaimwe. Muziinhuuke ng'oti n'endogoyi ey'omu irungu!’

Yeremia 49:30

“Imwe abantu b'e Hazori, nze Musengwa Katonda mbalabula nti mulumuke muje ghala inho mwegise. Kyabazinga Nebukadinezzari abeesoomeire okubakola akabi, ng'akoba ati,

Yeremia 49:32

“Munhage engamiya dhaibwe n'ebyayo byaibwe byonabyona. Abantu abo abasala ku nviiri dhaibwe, ndibasansaaniza mu ndhuyi dhoonadhoona. Era ndibatuusaaku akabi nga kava mu ndhuyi dhoonadhoona.

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Ezekieli 25:13

nze Musengwa Katonda kyenva nkoba nti, ndigolola omukono gwange naabonereza ensi Edomu eyo naagimalamu abantu n'ensolo, era nagyonoonayonoona. Abantu baamu balibaitira mu lutalo, okuva e Temani okutuukira irala e Dedani.

Malaki 1:3

Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”

Okwolekebwa 6:15

Olwo bakyabazinga ab'oku nsi, n'abafuzi, n'abakulu b'abaisirukale, n'abakombe, n'ab'amaani, n'abantu boonaboona, abairu n'ab'eidembe, beegisa mu mpuku ni mu gabaale ag'oku nsozi.

Abalamuzi 6:2

Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.