Yeremia 49:5 - Baibuli Ekibono kya Katonda 2014

⁵ Nze Musengwa Katonda Afuga Amagye nkoba nti ndidha kubaleetera okutya okungi nga kubava ku buli luuyi. Mwenamwena mulirumukagho, nga buli muntu ayenda kuwonia bulamu bwe. Era nga ghazira asobola kusoloza bamagye gaimwe kugaiza ghalala.

Yeremia 49:5 ပူးပေါင်းရင်းမြစ်များ

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Isaia 16:3

Bali kukoba ab'omu Buyudaaya bati: “Mutughe ku magezi, mutukobere eky'okukola. Mukingirize akabi kalobe kututuukaku ng'oti n'omuti bwe gutaagho ekinsense mu kasana ghagati. Mutuleke twewogome mu kinsense ekyo. Ife tuli kunoonia bubudamo mutukweke aghantu ghe bataatubone.

Yeremia 15:8

Ensi yaimwe nagyongeramu banamwandu bangi, okusinga n'omusenho oguba ku mbali kw'enhandha. Naitira abaisuka baimwe mu maani ghagati, bainhaibwe enaku yaabaluma. Nabasindikira obulumi n'okutya nga tibabyetegekeire naire.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 46:5

Aye Musengwa Katonda yeebuuza ati: “Kiki kye ndi kubona? Batiire inho era bali kwira einhuma! Abalwani baibwe ab'amaani baghangwirwa, baaziinhuuka embiro nga bagwidhubana, aghazira kulinga na inhuma. Era buli ghantu ghali ntiisa ndhereere!

Yeremia 49:29

Munhage weema dhaibwe, n'ensuubo dhaamu, n'ebirimu byonabyona. Mutwale ebyayo byaibwe n'engamiya dhaibwe. Era mukobere abantu muti, ‘Buli ghantu ghali ntiisa ndhereere!’

Yeremia 6:25

Ghatabaagho muntu aja mu nimiro, waire atambulatambula mu ngira; kuba abazigu baife bagemye empiima, buli ghantu ghali ntiisa ndhereere.”

Okulira 4:15

Nga kiisi muntu ababonaku abasama busame ati: “Ja ere. Oli mwonoonefu. Ja, ja, ja. Tongema naku.” Kale baatambulatambulanga eyo batyo nga bazira ghe baba, era nga mu nsi dhoonadhoona ezira abasangaaza.

Amosi 4:3

Balibaghaluliza mu bituli ebibali okumpi nga bibbomoirwa mu kimante ekyezungulwire ekibuga. Ng'olwo babatwala babasuula e Harumoni.” Musengwa Katonda atyo bw'akoba.

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.