Yeremia 49:23 - Baibuli Ekibono kya Katonda 2014

²³ Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Yeremia 49:23 ပူးပေါင်းရင်းမြစ်များ

Amainhama 14:15

Yaayawula amagye ge mu bikunsu, baalumba abazigu obwire era baabaghangula. Era baababingirira okubatuusa e Hoba, ekiri ku luuyi olw'omukono omugooda ng'olingiriire e buvandhuba, bw'oba ng'oli e Damasiko.

Amainhama 15:2

Aye Aburamu yairamu ati: “Wo Musengwa Katonda, kiki ky'onampa ni kingasa nga nkaasigaire nga nziraku mwana era ng'omusika w'endhu yange ni Eliezeri ow'e Damasiko?

2 Samueli 17:10

Olwo n'omulwani mwene aziramu ntete, ali n'omwoyo omugumu ng'oti gwa mpologoma, aidha kutekemuka atye kuba abantu boonaboona mu Isiraeli baidhi nga lata wo mulwani wa maani era nga n'abantu baali nabo balwani beene abaziramu ntete.

2 Samueli 8:9

Kyabazinga Toi ow'e Hamathi bwe yawulira nga Daudi aghangwire eigye lyonalyona erya Hadadezeri.

1 Bakyabazinga 11:24

Daudi bwe yamala okwita ab'e Zoba, Rezori oyo yaasoloza abasaadha, yaaba mukulu waibwe. Baaja e Damasiko baaba eyo, era baamufuulira eyo kyabazinga waayo.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 18:34

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, n'egy'e Hena, n'egy'e Ivva, buti giri gha? Gyali giwoniizaaku ekibuga Samaria, kyanva mu ngalo?

2 Bakyabazinga 19:13

Bakyabazinga ab'ebibuga, Hamathi, ni Arupadi, ni Sefarivaimu, ni Hena, ni Ivva, buti bali gha?’ ”

2 Bakyabazinga 5:12

Ate n'ekindi, emiiga Abana ni Farupari egy'e Damasiko giziramu maadhi agasinga amaadhi ag'omu Isiraeli goonagoona obulungi? Tisobola kunaaba omwo ni mba mulongoofu?” Kale yaakyuka yaagolola, nga musungughavu inho.

2 Ebyomubyanda 16:2

Agho Asa yaatoola feeza ni zaabu mu iterekero ly'eisinzizo, ni mu iterekero erirye nga kyabazinga, yaamugheereza kyabazinga Benihadadi ow'e Siria, eyabanga mu Damasiko, ng'amukoba ati:

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 13:7

Emikono egya buli muntu girinafugha, abantu boonaboona emyoyo gyabatekemuka.

Isaia 36:19

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, buti giri gha? Gyali giwoniizaaku ekibuga Samaria, kyanva mu ngalo?

Isaia 37:13

Bakyabazinga ab'ebibuga, Hamathi, ni Arupadi, ni Sefarivaimu, ni Hena, ni Ivva, buti bali gha?’ ”

Isaia 57:20

Aye abantu ababi bali ng'oti nhandha eyeefuukuula ekiseera kyonakyona, amaadhi gaayo ni gasiikuula ebitosi n'ebikaba, aghazira kulaalaku.

Isaia 7:8

kuba Rezini afuga Siria yonka n'ekibuga kyayo ekikulu Damasiko. Ate mu myaka nkaaga n'etaanu, Isiraeli eriba yeekutwirekutwiremu nga tekaali ighanga irala.

Yeremia 39:5

Aye eigye ery'Abababilonia lyababingirira, lyagemera Zedekia mu biketezo eby'oku museetwe kumpi n'e Yeriko. Baamutwala ye kyabazinga Nebukadinezzari ng'ali mu kibuga Ribula mu kiketezo ky'e Hamathi, era Nebukadinezzari oyo yaamusalira eyo omusango okumusinga.

Ezekieli 27:18

Ab'e Damasiko baakugulangaku ebintu bye wakolanga ebingi, n'eby'obukombe bye wali nabyo ebya buli nsambo. Baakusasulangamu omwenge ogw'emizabbibu ogw'e Heluboni, n'ebiviiri eby'entaama ebyeru,

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Okubala 13:21

Kale abantu abo baaja baakeeta ensi eyo okuva ku irungu ery'e Zini okutuuka e Rehobu, agho gh'oingirira mu Hamathi.

Ebikolwa by'Abatume 27:20

Ghaabitagho enaku kamaala nga titubona ku ndhuba waire emuunienie ate nga ni kiwunga bw'aja mu maiso, eisuubi ery'okuwona lyonalyona, lyatuwaamu.

Ebikolwa by'Abatume 9:2

yaamusaba embaluwa emwandhula mu sinagoga edh'e Damasiko, nga bw'ayagaanayo abasaadha n'abakazi abatambulira mu ngira ya Musengwa, aghange okubaleeta mu Yerusalemu nga basibe.

2 Ab'e Korintho 11:32

Bwe nali mu Damasiko, omufuzi eyateebwagho kyabazinga Areta, yakuuma ekibuga Damasiko angeme.

Amateeka Agokubiri 20:8

“Abakulu mu igye era baneeyongeranga okukoba abalwani bati, ‘Ghano ghaligho omuntu atiire ng'awoiremu omwoyo? Bw'aba ng'aligho, aireyo eka kuba tomanha bw'amala mu baine mwoyo.’

Yoshua 14:8

Abantu be naja nabo, baira baatiisa abantu. Aye nze naasigala nga ndi mwesigwa eri Musengwa Katonda wange.

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.