Yeremia 49:16 - Baibuli Ekibono kya Katonda 2014

¹⁶ Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Yeremia 49:16 ပူးပေါင်းရင်းမြစ်များ

2 Bakyabazinga 14:7

Amazia yaitiramu Kiiko ky'Omuunhu abaisirukale Abaedomu omutwalo mulala (10,000), yaanhaga ekibuga Sela mu lutalo, yaakituuma eriina Yokitheeli, lye bakaakyeta ni ye buli eno.

Yobu 39:27

Niiwe olagira enkookooma okuniina n'ekola ekisu kyayo ghaigulu mu nsozi?

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Ensambo 29:23

Okwekuluntaza okw'omuntu kumuleetera okugwa, aye obuwombeefu bw'omuntu bumuteesaamu ekinhagansi.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Isaia 10:14

Nayagaana amaghanga nga gali ng'oti kisu kya nhonhi, naasoloza obukombe bwago ng'oti n'ali kusoloza amagi ge balese obwagho, nga ghazira na nhonhi epapazaaku ighagha kuntiisa, waire okwasamya omunwa n'ekyolya okunzindula.”

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 49:25

Aye Musengwa Katonda airamu ati: “Ekyo kyene n'ekija okubaagho. Ow'amaani balimulekuza omunhago gw'ali nagwo, n'omufuzi omukambwe bamutoolaku abantu b'anhaze. Ndirwanisa abo ababalwanisa imwe, era naanunula abaana baimwe.

Yeremia 48:14

Imwe ab'e Moabu, lwaki mweyeta ab'amaani era ni mweyeta abalwani abaziramu ntete?

Yeremia 49:15

Musengwa Katonda oyo yakwesoomera iwe Edomu ati, alikufuula omunafu asembayo mu maghanga goonagoona, era buli muntu alikunhooma.

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Yeremia 51:53

Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Amosi 9:2

Waire basima baatuuka e magombe, ndidha kubatuukaku mbatooleyo. Era waire baniina baatuuka mu igulu, ndidha kubaghanulayo.

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.

Malaki 1:3

Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”