Yeremia 49:12 - Baibuli Ekibono kya Katonda 2014

¹² “Ate oba n'abo abaali tibagwaine kubonerezebwa, baali n'okunhwa ku kikopo eky'ekibonerezo, obwo imwe mulowooza muti timulibonerezebwa? Busa naire, muteekwa okunhwa ku kikopo ekyo eky'ekibonerezo.

Yeremia 49:12 ပူးပေါင်းရင်းမြစ်များ

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Yeremia 25:15

Agho Musengwa Katonda, Katonda wa Isiraeli yankoba ati: “Toola ekikopo kye ngemye mu ngalo dhange eky'omwenge ogw'emizabbibu ogw'obusungu bwange. Okitwale okighe amaghanga goonagoona ye nnaakutuma, bakinhweku.

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 46:27

“Aye imwe abantu bange Abaisiraeli, mutatya, waire okweraliikirira. Mubone eno, nze ndibanunula naabatoola mu nsi eyo ey'eghala, ensi ye muli ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Obadia 1:16

Abantu bange baanhwa ekikopo ekikaagha eky'okubonerezebwa, ku lusozi lwange olutukuvu. Aye amaghanga goonagoona ageezungulwire ghano, gaja kunhwa ekikopo eky'okubonerezebwa ekisingaku agho okukaagha. Bwenebwene gaja kukinhwa kyonakyona era gamale gazikirire.”

Matayo 20:22

Yesu yairamu ati: “Kye musaba timukiidhi. Mughanga okunhwa ku kikopo kye nja okunhwa?” Baamukoba bati: “Tughanga.”