Yeremia 49:1 - Baibuli Ekibono kya Katonda 2014

¹ Bino Musengwa Katonda bye yakoba ku nsi Ammoni, ati: “Abantu ab'omu Isiraeli bali gha? Ezira muntu asobola kulwanirira nsi yaibwe? Lwaki baaleka abantu abasinza omusambwa Milikomu okutoola ekiketezo eky'ab'ekika kya Gadi ni bakifuula ekyaibwe?

Yeremia 49:1 ပူးပေါင်းရင်းမြစ်များ

Amainhama 19:38

Omuto yeena yaazaala omwana mulenzi, yaamutuuma eriina Benammi. Oyo ni dhaadha ow'Abammoni okutuusa ni mpegaano.

2 Bakyabazinga 10:33

okuva ku mwiga Yorudani okuja mu bugwandhuba, ekiketezo eky'e Gileadi, n'eky'Abagadi, n'eky'Abareubeni, n'eky'Abamanasse, okuva ku kibuga Aroeri okumpi n'ekiiko ekirimu omwiga Arunoni ekyo nga n'ekiketezo kyonakyona eky'e Gileadi n'e Bashani.

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

2 Ebyomubyanda 20:1

Ebyo nga biwoire, Abamoabu, n'Abammoni, ghalala n'abandi ku Bameuni, baidha baalumba Yehoshafati okumulwanisa.

2 Ebyomubyanda 20:23

Abammoni n'Abamoabu baalumba abantu ab'oku lusozi Seiri, baabaita okubasaaniagho. Era bwe baamala okubasaaniagho, olwo boonaboona baatoolera okwitagana beene na beene.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Zabbuli 83:7

Abagebali, Abammoni, Abamaleki, Abafilisiti n'Abatiro.

Zabbuli 9:6

Abazigu bawoiregho ebyanda n'ebyanda, ebibuga byaibwe wabizikiriza, era tibaja kwidhukirwa naire.

Yeremia 12:14

Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 25:21

abantu ab'omu Edomu, n'ab'e Moabu, n'ab'omu Ammoni

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 27:3

Memale mpeereze obukwenda eri bakyabazinga bano: ow'e Edomu, n'ow'e Moabu, n'ow'e Ammoni, n'ow'e Tiro, n'ow'e Sidoni, nga mbita mu bakwenda baibwe abaidha e Yerusalemu okubona kyabazinga Zedekia.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 49:23

Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Yeremia 49:28

Bino Musengwa Katonda bye yakoba ku kika kya Kedari ni ku biketezo ebifugibwa Hazori, kyabazinga Nebukadinezzari ow'e Babilonia bye yaghangula. Yakoba ati: “Muje mulumbe abantu ba Kedari, muzikirize ekika ekyo eky'abantu ab'e buvandhuba.

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Ezekieli 21:25

“Iwe omufuzi wa Isiraeli, omubi era atasiimya Katonda naire, olunaku lwo lutuuse, n'ekiseera eky'okubonerezebwa kwo okusembayo.

Ezekieli 25:1

Agho Musengwa Katonda yaayogera ninze, yankoba ati:

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Okubala 1:24

Abagadi

Amateeka Agokubiri 2:19

Bwe munaaba nga muli kumpi okutuuka mu nsi ey'Abammoni, mutabadaazadaaza era mutabatanulaku lutalo. Kuba imwe tija kubaghaaku kitundu waire ekitono kiti ku nsi yaibwe, okuba ekyaimwe. Ensi eyo namala ira okugigha Abammoni abo baidhukulu ba Loti, ebe yaibwe.’ ”

Amateeka Agokubiri 23:3

“Omuammoni n'Omumoabu, ni baidhukulu baibwe, okutuukira irala ku luse olweikumi, tibaabalirwenga mu bantu ba Musengwa Katonda ebyanda n'ebyanda.

Amateeka Agokubiri 23:4

Kuba mu lugendo lwaimwe nga muli kuva e Misiri, baaloba okubagha emere n'amaadhi. Era baagulirira Balaamu mutabane wa Beori ow'e Pethori ekibuga ky'e Mesopotamia, okubakolimira.