Yeremia 48:9 - Baibuli Ekibono kya Katonda 2014

⁹ Musimire ensi Moabu amagombe, kuba ebulaku katono inho bagizikirize, ebibuga byayo bifuuke bifulukwa byereere, ghabulegho omuntu abibaamu.

Yeremia 48:9 ပူးပေါင်းရင်းမြစ်များ

Zabbuli 11:1

Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Zabbuli 55:6

Naakoba nti: “Yii kale ngoli ndi n'amaghagha ng'oti ighemba! Nandigulwike naatuuka ghe nsobola okuwuumulira.

Isaia 16:2

Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 46:19

Imwe abantu b'e Misiri, mwetegeke okutwalibwa mu bunhage. Abazigu balizikiriza Menfisi kyafuuka bifulukwa, ghaabulagho omuntu akibaamu.

Yeremia 48:28

“Imwe abantu b'e Moabu, muve mu bibuga byaimwe, muje mubenga mu mbaalebaale. Mube ng'oti mayemba agazimba mu ndhatika edhiba mu gabaale.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.