Yeremia 48:7 - Baibuli Ekibono kya Katonda 2014

⁷ Iwe Moabu, eira weesiganga amaani go n'obukombe bwo, aye mpegaano weena baja kukughangula; era katonda wo ayetebwa Kemoshi, baidha kumutwala mu bunhage, ghalala ni bakabona be n'abakungu be.

Yeremia 48:7 ပူးပေါင်းရင်းမြစ်များ

2 Samueli 5:21

Abafilisiti baalumuka, baaleka n'agho ebifaananie byaibwe bye baasinzanga. Daudi n'abasaadha be baabitwala.

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

1 Bakyabazinga 11:7

Agho yaazimba ku lusozi oluli ku luuyi olw'e buvandhuba wa Yerusalemu, ekifo ekigulumivu eky'okusinzizaamu omusambwa Kemoshi ogw'Abamoabu ogwenhinhalwa, n'eky'okusinzizaamu omusambwa Moleki ogw'Abammoni, gwona era ogwenhinhalwa.

Zabbuli 40:4

Ba nkabi abo abeesiga Musengwa Katonda, abatakyuka ni basinza bitali Katonda waire okweyimba ku abo abasinza emisambwa.

Zabbuli 52:7

“Mubone omusaadha eyaloba okweguya Katonda okumukuuma, nga yeesigulira ku bukombe bwe obungi, era nga yeesiga enkwe dhe edh'obuguya okumukuuma.”

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Yeremia 43:12

Ndikunaania omuliro ku masabo aga bakatonda b'e Misiri, era kyabazinga w'e Babilonia alyokya bakatonda abo, oba yaababbeeda yaaja nabo. Era ng'omwayi bw'alondalonda ensekere ku kivaalo kye n'adhimaliraku irala, ni kyabazinga w'e Babilonia atyo bw'alirondalonda buli kantu mu nsi Misiri, n'agitukuza. Memale yaatambula yaaja nga ghazira n'amukobaku.

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

Yeremia 48:46

Okagwireku iwe ensi Moabu! Abantu abasinza omusambwa Kemoshi abazigu babazikiriiza, batabane baibwe ni baghala baibwe baabatwala mu banhage.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Yeremia 49:4

Lwaki abantu imwe abatali beesigwa mwesuutiriza? Amaani gaidha kubawaamu. Lwaki mwesigulira ku bukombe bwaimwe, nga mukoba muti ghazira asobola kukana n'abalumba?

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Hosea 10:13

Aye ate mwasiga kukola bibi, mwakungulamu obutakola mazima, era mwalya ebibala ebiva mu buguyaguya; kuba mwesiga ebigaali byaimwe eby'omu lutalo, n'abalwani baimwe olukunkumuli.

Okubala 21:29

Mukagwireku imwe ab'e Moabu! Muzikiriire imwe abasinza omusambwa Kemoshi! Omusambwa ogwo gulese batabane baimwe baafuuka ekiyiigibwa, ate baghala baimwe baafuuka abanhage ba Sihoni kyabazinga ow'Abamori.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.