Yeremia 48:41 - Baibuli Ekibono kya Katonda 2014

⁴¹ Abazigu baligema ebibuga n'ebifo byayo eby'okwewogomamu. Ku lunaku olwo, abalwani ba Moabu ab'amaani baliidhula okutya ng'oti n'omukazi ali kulumwa okuzaala.

Yeremia 48:41 ပူးပေါင်းရင်းမြစ်များ

Isaia 13:8

Abantu baliidhula okutya baaba n'obulumi, ng'oti n'omukazi ali kulumwa okuzaala. Baliringaganaku mu kutya, nga buli muntu ensoni dhimugemye.

Isaia 21:3

Obulumi bwe ndi nabwo bwenda kundhita bwite; ndi ng'oti n'omukazi ali kulumwa okuzaala. Obulumi tibunganha kubona waire okuwulira.

Yeremia 30:6

Buti sooka olowooze era weebuuze! Bwenebwene omusaadha asobola okuzaala omwana? Memale lwaki mbona buli musaadha ng'agemereire enda ye ng'oti n'omukazi ali kulumwa okuzaala? Lwaki buli muntu ayakaanhiriire?

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Yeremia 4:9

Musengwa Katonda akoba ati: “Ku lunaku olwo, kyabazinga n'abakungu baliwaamu amaani. Bakabona balisoberwa inho, n'abalanzi beewuunhia inho.”

Yeremia 48:24

Keriothi, Bozira, n'ebibuga byonabyona eby'omu nsi Moabu eby'okumpi n'eghala.

Yeremia 49:22

Abazigu balirumba Bozira baakigwaku ng'oti n'enkookooma eyandhulwiza amaghagha gaayo. Ku lunaku olwo, abalwani ba Edomu ab'amaani baliidhula okutya ng'oti n'omukazi ali kulumwa okuzaala.”

Yeremia 49:24

Abantu b'e Damasiko bawoiremu amaani era balumwikegho nga batiire inho. Bali mu bulumi era beeraliikirivu, ng'oti n'omukazi ali kulumwa okuzaala.

Yeremia 50:37

Embalaasi dhaayo n'ebigaali byayo eby'omu lutalo, abazigu ka babizikirize. Abaisirukale baayo abapangise ka bafuuke banafu inho, bafe! Abazigu ka bagwe ku bintu byayo eby'obukombe babinhage.

Yeremia 50:43

Kyabazinga w'ensi Babilonia aliwulira ebiri kwidha, n'emikono gyamuwaamu amaani; yaawulira obulumi ng'oti bwa mukazi ali kulumwa okuzaala.

Yeremia 51:30

Abalwani Abababilonia ab'amaani baleseeyo okulwana, baasigala bwa mu bifo byaibwe eby'okwewogomamu. Amaani gabawoiremu, baafuuka banafu inho. Emiryango egy'ekibuga abazigu bagimenhiegho, n'endhu dhoonadhoona baadhikunaaniaku omuliro.

Yeremia 6:24

Agho abantu b'omu Yerusalemu baakoba bati: “Tuwuliire ebiri kutwidhira, n'emikono gyatuwaamu amaani, twawulira obulumi ng'oti bwa mukazi ali kulumwa okuzaala.

Amosi 2:2

Kale nja kusindika omuliro gwokye Abamoabu, era gusenkeenhe ebifo byaibwe byonabyona eby'okwewogomamu eby'omu kibuga Keriothi. Abantu Abamoabu balifiira mu kuwowoigana okw'omu lutalo, ng'abalwani bali kwasiikana nga n'endeka dhiri kuvuga.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.