Yeremia 48:37 - Baibuli Ekibono kya Katonda 2014

³⁷ Boonaboona bamweire enviiri ku mitwe gyaibwe, baasalaku n'ebirevu byaibwe. Era beesazesaze emisale ku mikono gyaibwe, baavaala n'ekutiya olw'enaku.

Yeremia 48:37 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

1 Bakyabazinga 18:28

Abalanzi ba Baali baayeta inho, era beesala n'empiima n'ebyambe, nga bweyali empisa yaibwe, okutuusa omusaayi okukuuluula.

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 6:30

Kyabazinga bwe yawulira omukazi oyo bye yayogera, yaakanulamu ebivaalo bye olw'okunakughala. Abantu abaali agho gha kimante ky'ekibuga ghe yali ali kubita, baabona ng'avaire ekutiya ku mubiri gwe olw'okwebonereza.

1 Ebyomubyanda 19:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

Isaia 20:2

Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Isaia 37:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'enaku. Agho yaaja mu isinzizo.

Yeremia 16:6

Abantu ababbede beene n'abo abasembayo ghansi balifiira mu nsi eno aye ghaabulagho omuntu abaziika oba abalira, nga yeesalasala ku mubiri gwe, oba ng'amwa enviiri gha mberi ku mutwe gwe gwaba ng'oti gwa mpaata olw'okunakughala.

Yeremia 41:5

abasaadha kinaana baatuuka nga bava e Shekemu, n'e Shilo, n'e Samaria. Baali basazeeku ebirevu byaibwe, nga bakanwire ebivaalo byaibwe, era nga beesazesaze n'emisale ku mubiri. Baali baleese emere ey'empeke n'obubbaani mu isinzizo, ng'ebigheebwayo.

Yeremia 47:5

Abantu b'e Gaza bamweire enviiri gha mberi ku mitwe gyaibwe gyaba ng'oti gya mpaata, olw'okunakughala! Ab'e Ashikeloni bafiire baasirika. Abanaki abakaasigairegho, balituusa li okwesalasala ku mibiri gyaibwe olw'okunakughala?

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Ezekieli 27:31

Ku lulwo baamwa emitwe gyaibwe okugimaliriraku enviiri ng'oti mpaata, baavaala ekutiya olw'okunakughala, era baagegenga olw'enaku eyabali ku myoyo embitirivu, baalira inho amaziga.

Ezekieli 29:18

“Iwe omuntu, kyabazinga Nebukadinezzari owa Babilonia yasitula eigye lye, lyalumba Tiro n'amaani. Emitwe gy'abaisirukale be gyagwa empaata n'amabega gaabanuubuka, olw'okubbeeda ebizito. Aye ate k'abe kyabazinga mwene oba abaisirukale be, bazira naire kye baaganhulwa mu kulumba Tiro.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Abalevi 19:28

Muteesalasalanga ku mibiri gyaimwe ng'akamanhiso ak'okulira abafu, oba okwetonaku endhola olw'okwewoomya. Ninze Musengwa Katonda.

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Mika 1:16

Mumweku enviiri okwoleka nga muli kulira abaana baimwe be mugonza. Mughalagate emitwe mube n'empaata ng'oti nsega, kuba abaana baimwe baja kutwalibwa mu bunhage.

Mariko 5:5

Omusana n'obwire yabanga eyo mu lwambiidhi ni mu nsozi ng'ayasiikana bwe yeekulubula n'amabaale.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”