Yeremia 48:3 - Baibuli Ekibono kya Katonda 2014

³ Wulira! Abantu ab'e Horonaimu bali kulira bati, ‘Bikolwa bya bukambwe na kuzikiriza n'ebiri buli ghantu byonka.’

Yeremia 48:3 ပူးပေါင်းရင်းမြစ်များ

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 15:8

Ensi Moabu yoonayoona eidhwire kuwowoola maziga, era okuwowoola okwo kuwulikika okutuukira irala mu kibuga Egulaimu, era kwatuuka ni mu kibuga Beerelimu.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Yeremia 20:16

Omuntu oyo agwananga yaaba ng'oti n'ebibuga Musengwa Katonda bye yazikiriza nga tabisaasira naire. Agwananga yaawulira ku nkyo okuwowoola okw'abali mu bulumi, era mu kasana ghagati yaawulira enduulu edh'olutalo;

Yeremia 47:2

Yaakoba ati: “Bona! Abazigu bali kwesololeza ere ku luuyi olw'omukono omugooda olw'e buvandhuba, nga bali ng'oti n'omwiga oguli kubanda. Baidha kubuutikira ensi n'ebigiriku byonabyona, babuutikire n'ebibuga n'abantu ababibaamu. Abantu baliririra nze mbayambe, buli muntu ali ku nsi aliwowoola amaziga.

Yeremia 48:34

“Abantu ab'e Heshiboni n'ab'e Eleale balikuba empungu dhaaja dhaatuukira irala n'e Yahazi. Abantu b'e Zoari, n'ab'e Horonaimu, n'ab'e Egulathi Shelishiya, baliwulira empungu edho. N'akaiga ak'e Nimurimu kalikala.

Yeremia 48:4

Ensi Moabu bagizikiriiza! Wulira abaana baayo bwe balira!

Yeremia 48:5

Abantu baniinaniina okuja e Luhithi nga bwe balira engira eyo yoonayoona; era baaserengeta okuja e Horonaimu nga bwe bawowoola mu nnaku embitirivu.

Yeremia 51:54

Musengwa Katonda akoba ati: “Wulira okulira okuli mu Babiloni n'okuwowoola okuli eyo, olw'okuzikirira okw'ensi eyo.