Yeremia 48:27 - Baibuli Ekibono kya Katonda 2014

²⁷ Iwe Moabu, lwaki mwasekerera Abaisiraeli? Lwaki mwababisa ng'oti ni be mugemeire mu kikuukuulu eky'abaibi nga bali kunhagulula?

Yeremia 48:27 ပူးပေါင်းရင်းမြစ်များ

Yobu 16:4

Zeena nandisoboire okwogera nga bwe mwogeire, ngoli niimwe omuli mu mbeera nze ye ndimu. Nandiboogereire ebisongovu, nga bwe ntengeesa n'omutwe nga mbanhooma.

Zabbuli 44:13

Otufiire ekivume eri ab'oku muliiraano, baatusekerera era baatuyeeyereza.

Zabbuli 64:8

Aja kubazikiriza olw'ebibono byaibwe bye boogera. Boonaboona abalikibona baja kutengeesa emitwe nga beewuunhia.

Zabbuli 79:4

Tufuuse ekivume eri amaghanga agatuliiraine, era batuyeeyereza bwe batusekerera.

Yeremia 18:16

Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Ezekieli 25:8

Musengwa Katonda akoba ati: “Olw'okuba ab'e Moabu baakoba bati Buyudaaya eri ng'amaghanga agandi goonagoona,

Ezekieli 35:15

ng'oti niiwe bwe wasagamba nga Isiraeli, ensi yange, erekeibwa agho etyo ng'eri bifulukwa byereere. Olusozi Seiri ndidha kulukolaku n'ensi Edomu yoonayoona ngikoleku, birekebwe agho bityo nga biri bifulukwa byereere. Olwo balimanha nga ninze Musengwa Katonda.”

Ezekieli 36:2

nze Musengwa Katonda bye ndi kudhikoba nti: Iwe Isiraeli, abazigu bo bakwesuutiraku baakoba bati, ‘Otyo, buti ensozi edho edh'eira dhifuuse dhaife ku bwaife.’

Ezekieli 36:4

Agho ni, imwe ensozi edh'omu Isiraeli, muwulirise bino nze Musengwa Katonda bye ndi kukoba ensozi, n'obusozi, n'obwinhamo, n'ebiiko, n'ebifo bye baazikiriza ni bisigala agho bityo nga biri bifulukwa byereere, n'ebibuga bye baanhagulula ni babireka agho nga muzira bantu, buti ebyafuuka enseko eri amaghanga goonagoona agabaliinaine.

Zefania 2:10

Ekyo n'ekija okuba ekibonerezo eky'Abamoabu n'Abammoni olw'okwekuluntaza kwaibwe, n'olw'okuvuma n'okwesuutira ku bantu ba Musengwa Katonda afuga amagye.

Zefania 2:8

Musengwa Katonda Aghanga ebintu byonabyona akoba ati: “Mpuliire abantu Abamoabu n'Abammoni nga bavuma era nga bayeeyereza abantu bange. Era naawulira nga beesuuta nga bwe baidha okubanhagaku ekiketezo kyaibwe.

Matayo 26:55

Mu saawa yeene eyo, Yesu yaakoba eikuukuubira ati: “Mwidhie okungema ng'abaja okugema omunhazi, mwaidha n'empiima n'emiigo? Buli lunaku natyamanga mu isinzizo naayegeresa, aye timwangema.

Matayo 27:38

Baamukomerera n'abanhazi babiri omulala ku mukono omusaadha, ate owundi ku mugooda.

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.