Yeremia 48:26 - Baibuli Ekibono kya Katonda 2014

²⁶ Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.

Yeremia 48:26 ပူးပေါင်းရင်းမြစ်များ

Yobu 15:25

Kuba asonse mu Katonda olwala, yaasonsoonia Aghanga Ebintu Byonabyona.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 2:4

Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 59:8

Aye iwe Musengwa Katonda obasekerera busekerere; abantu boonaboona abatakutya obakongoola bukongoole.

Zabbuli 60:3

Abantu bo obaleeteire obuzibu obukalangufu; otughaire omwenge ogw'emizabbibu okunhwa, gwatugaaliisa ng'oti batamiivu.

Zabbuli 75:8

Katonda agemereire mu ngalo ekikopo eky'omwenge ogw'emizabbibu omuka ogw'obusungu bwe. Aja kugufukira ababi ab'oku nsi boonaboona, bagunhwe gwonagwona okutuuka ni ku iseedha.

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Okuvaayo 9:17

Weetwala ng'owa ghaigulu einho, waaloba kuleka bantu be ni baja.

Isaia 10:15

Aye Musengwa Katonda akoba ati: “Empasa esobola okwesuuta eti n'esinga ole agitemesa? Oba, omusumeeni gusobola okwekuluntaliza ku muntu ali kugusaza? Ate oba oluga ti n'oluwuuba ole alugemye, oba omwigo okubbeeda omuntu atali kiti!”

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Isaia 28:8

Emeeza edhiba ghe batyama dhiidhula bwa biseseme, nga ghaziraghooku kifo kitukula naire.

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Yeremia 48:39

Moabu bagimaniangwire! Abantu bali kulira bwa maziga! Mpegaano efuuse ekintu ekitiisa einho, era yaafuuka nseko dha balamu. Nze Musengwa Katonda, ninze nkobye.”

Yeremia 48:42

Moabu baligizikiriza, yaalekera agho okuba eighanga, olw'okuba yandheemera.

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Yeremia 51:7

Ensi Babilonia yali ng'oti kikopo ekyakolebwa mu zaabu ekiri mu ngalo dhange, ekyatamiizanga ensi yoonayoona. Amaghanga gaanhwanga ku mwenge ogw'emizabbibu mu kikopo ekyo, gaagwa eiralu.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Okulira 3:15

Yandeetera okudaagadaaga okutaloodheka, kwankaayirira ng'oti n'omuntu ye bakaka ebikaagha.

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Danieli 8:10

Akayiga ako kaakula kaaba ka maani inho, nga kasobola n'okulumba eigye ery'omu igulu. Kaalumba edhindi ku muunienie edh'oku igulu, kaadhisuula ghansi kaadhityankirira.

Nahumu 3:11

Nineve, weena oja kuba ng'oti n'omutamiivu ali kutagala. Olyagala agh'okulumukira owone abazigu, aye nga ghazira.

Habakkuku 2:16

N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.