Yeremia 48:20 - Baibuli Ekibono kya Katonda 2014

²⁰ Baidha kubairamu bati, ‘Ensi Moabu egwire. Mulire amaziga olw'ensi eyo, kuba eswaziibwa. Muje mulangirire mu biketezo eby'oku mwiga Arunoni, muti Moabu bagizikiriiza!’

Yeremia 48:20 ပူးပေါင်းရင်းမြစ်များ

Isaia 15:8

Ensi Moabu yoonayoona eidhwire kuwowoola maziga, era okuwowoola okwo kuwulikika okutuukira irala mu kibuga Egulaimu, era kwatuuka ni mu kibuga Beerelimu.

Isaia 16:2

Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Yoshua 13:9

Ekiketezo kino, kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko, era kyatwalizaamu n'omuseetwe oguva e Medeba okutuuka e Diboni.

Abalamuzi 11:18

Agho beekooloobya nga babita ku mbali kw'ekiketezo eky'e Edomu n'eky'e Moabu, baatuuka ku luuyi lw'ekiketezo eky'e Moabu olw'e buvandhuba, baasimba weema dhaibwe ku mbali kw'omwiga Arunoni. Aye tibaingira mu kiketezo kya Moabu, kuba omwiga Arunoni n'ensalosalo yaakyo.