Yeremia 48:2 - Baibuli Ekibono kya Katonda 2014

² Ekitiibwa kya Moabu kiwoiregho. Abazigu bagemye ekibuga Heshiboni ye baategekera okuzikiririza eighanga ly'e Moabu eryo. Imwe abantu b'omu kibuga Madimeni, abazigu baidha kubasirisa, amagye gaibwe gaidha kwidha galumbe ekibuga kyaimwe ekyo.

Yeremia 48:2 ပူးပေါင်းရင်းမြစ်များ

Isaia 15:1

Buno n'obukwenda obugema ku Moabu. Ebibuga Ari ni Kiri ebya Moabu babizikiriiza mu bwire bulala buti byafuuka bifunfugu, era ensi Moabu yaawolongera.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 16:14

Aye mpegaano Musengwa Katonda akoba ati: “Mu myaka esatu gyonka, ebitiibwa bya Moabu biriba nga tibikaaligho. Ku bantu baakyo waire nga bangi batyo, batono bati n'abalisigalagho ate nga tibakaali na maani naire.”

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Yeremia 25:15

Agho Musengwa Katonda, Katonda wa Isiraeli yankoba ati: “Toola ekikopo kye ngemye mu ngalo dhange eky'omwenge ogw'emizabbibu ogw'obusungu bwange. Okitwale okighe amaghanga goonagoona ye nnaakutuma, bakinhweku.

Yeremia 25:17

Kale naatoola ekikopo mu ngalo dha Musengwa Katonda, naakitwala naakigha abantu boonaboona Musengwa Katonda oyo be yantuma okukigha, baakinhwa.

Yeremia 31:36

Yasuubiza ati ekiseera obutonde bw'ensi kye bulimala nga buligho, era n'ekirala ekyo n'Abaisiraeli kye balimala nga bakaali ighanga.

Yeremia 33:24

“Yeremia, oboine abantu bwe bali kukoba bati nalekulira agho abantu ab'omu Isiraeli n'ab'omu Buyudaaya, endhu edho eibiri dhe nalonda? Kale banhooma abantu bange abo baaloba kubatwala ng'eighanga.

Yeremia 46:28

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 48:17

Mulire olw'eighanga eryo imwe abaliriiraine; imwe mwenamwena abaliidhi nga bwe liri eimanhifu, mulire amaziga. Mukobe muti, ‘Obufuzi bwalyo obw'amaani, era obw'ekitiisa babumenhiegho.’

Yeremia 48:42

Moabu baligizikiriza, yaalekera agho okuba eighanga, olw'okuba yandheemera.

Yeremia 48:45

Abalirumuka ni bawonagho balyewogomaku mu kibuga Heshiboni nga bawoiremu amaani, nga benda babeeku mu kibuga ekyo kyabazinga Sihoni kye yafugaku. Aye balyagaana Heshiboni nga kiri kubbeibbera muliro. Omuliro guliba gumaze okwokya ebiketezo eby'oku nsalosalo dh'ekibuga n'ebiketezo eby'oku nsozi eby'abantu b'e Moabu abenda einho okulwana entalo.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Yeremia 49:37

Ndireetera abantu ab'e Elamu okutya abazigu baibwe abenda okubaita. Mu busungu bwange obubitirivu, ndibatuusaaku akabi nga mbasindikira entalo edhiribaita okutuusa lwe ndibasaaniagho.

Okubala 32:37

Ab'ekika kya Reubeni bairamu okuzimba obuyaaka ebibuga: Heshiboni, Eleale, Kiriathaimu,