Yeremia 48:19 - Baibuli Ekibono kya Katonda 2014

¹⁹ Imwe ababa mu Aroeri, mwemerere ku mbali kw'enguudo muteegerere, mubuuze abo abali kuziinhuuka nga balumuka okwewonia, muti, ‘Kiki ekigwiregho?’

Yeremia 48:19 ပူးပေါင်းရင်းမြစ်များ

2 Samueli 24:5

Baasomoka omwiga Yorudani, baaja okubala abantu nga basookera mu Aroeri ekiri ghagati mu kiiko, beeyongerayo mu kiketezo ky'e Gadi baatuuka e Yazeri.

1 Ebyomubyanda 5:8

ni Bela mutabane wa Azazi, Azazi mutabane wa Shema, Shema mutabane wa Yoeli. Baidhukulu ba Reubeni abo baabanga mu kiketezo ekiva mu Aroeri okutuukira irala e Nebo n'e Baali Meoni.

Okubala 32:34

Agho ab'ekika kya Gadi bairamu okuzimba buyaaka ebibuga: Diboni, Atarothi, Aroeri,

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Yoshua 12:2

Kyabazinga ye baasooka okughangula nga bamweta Sihoni, ng'afuga ekibuga Heshiboni era nga Muamori. Obwakyabazinga bwe nga butwalizaamu ekitundu kya Gileadi: nga buva ku kibuga Aroeri ekiri kumpi n'ekiiko ekirimu omwiga Arunoni, ku luuyi olw'ekiiko ekyo olw'omukono omugooda olw'e buvandhuba, bwatuuka ku mwiga Yabboki, ku nsalosalo y'Abammoni.

Abalamuzi 11:26

Isiraeli amaze entangama ya myaka ebikumi bisatu mu Heshiboni, ni mu Aroeri, n'ebyalo ebibyezungulwire, ni mu bibuga byonabyona ebiri ku mbali kw'omwiga Arunoni. Kiki ekyakulobera okubyeiriza mu kiseera ekyo?

1 Samueli 4:16

Agho omuntu ole yaamukoba ati: “Ninze ndeese amawulire okuva mu lutalo. Nnumwikeyo lwaleero lwene luno.” Eli yaamubuuza ati: “Mwana wange, bijiire bitya?”