Yeremia 48:15 - Baibuli Ekibono kya Katonda 2014

¹⁵ Omuzigu azikiriiza ensi Moabu n'ebibuga byayo. Abaisuka baayo abasingayo okuba ab'amaani babaise. Ninze kyabazinga ayetebwa Musengwa Katonda Afuga Amagye, ninze nkobye.

Yeremia 48:15 ပူးပေါင်းရင်းမြစ်များ

Zabbuli 47:2

Kuba Musengwa Katonda oyo Ali Ghaigulu Yeene agheebwa ekitiisa. Oyo ni kyabazinga omukologho afuga ensi yoonayoona.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yeremia 48:4

Ensi Moabu bagizikiriiza! Wulira abaana baayo bwe balira!

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Yeremia 50:34

Aye Omununuzi waibwe wa maani. Eriina lye ayetebwa Musengwa Katonda Afuga Amagye. Oyo n'alibalwanirira mwene, yaaleeta emiraala ku nsi, aye mu Babilonia yaaleetamu bizibu byereere.”

Yeremia 51:40

Ndibatwala okubaita nga bali ng'oti bwa nsolo mpiite edh'omu maka. Nze Musengwa Katonda, ninze nkobye.”

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”