Yeremia 48:12 - Baibuli Ekibono kya Katonda 2014

¹² “Kale ni ekiseera kiri kwidha ntume abantu, bafuke ere abantu b'omu Moabu ng'oti mwenge gwa mizabbibu. Bagumaliriremu mu nsugha gwonagwona, n'ensugha badhimenhemenhe.

Yeremia 48:12 ပူးပေါင်းရင်းမြစ်များ

Zabbuli 2:9

Amaghanga ago oligamenhamenha n'omwigo ogw'ekyuma, era waagamaniangula ng'oti ntamu ya muwumbi.’ ”

Isaia 16:2

Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Isaia 30:14

Mulimenhekamenheka ng'oti nsugha ya itosi, ye bakubiiregho ku itaka n'emulunguka obutasigalagho waire katundu ka lugyo ak'okutoolesa omuliro mu ziiko, oba okusenesa amaadhi mu kidiba.”

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yeremia 19:10

Agho Musengwa Katonda yankoba mmenhe akadoome kale ak'eitosi ng'abantu be naja nabo babona,

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 48:11

Musengwa Katonda yaakoba ati: “Abantu b'omu Moabu buliidho babaire nga baba mu miraala, nga bazira kibeeraliikiriza, era nga tibatwalibwangaku mu bunhage. Bali ng'oti n'omwenge ogw'emizabbibu ogulekeibwa agho okulaala, nga ghazira agulengulula kugutoola mu nsugha eno kugufuka mu yindi. Akawoowo kaagwo nga tikakyukangaku era nga n'obuwoomi bwagwo tibukendeerangaku naire.

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

Yeremia 48:15

Omuzigu azikiriiza ensi Moabu n'ebibuga byayo. Abaisuka baayo abasingayo okuba ab'amaani babaise. Ninze kyabazinga ayetebwa Musengwa Katonda Afuga Amagye, ninze nkobye.

Yeremia 48:38

Ghaigulu ku ndhu edh'e Moabu ni mu mpya edh'ebibuga byayo, eriidhula kulira maziga, kuba nja kusaaniagho Moabu ng'oti n'omuntu bw'amaniangula ensugha eziraku agyenda.

Yeremia 48:8

Oyo ali kwidha okuzikiriza, aligwa ku buli kibuga yaakizikiriza, aghazira kulekagho waire ekirala kiti. Alizikiriza ebiiko n'emiseetwe. Nze Musengwa Katonda, ninze nkobye.

Nahumu 2:2

Kuba Musengwa Katonda aja kwirizaagho Yakobo ekitiibwa kye ekyo nga n'ekitiibwa eky'Abaisiraeli ekyaligho ng'abazigu bakaali kwidha abaanhaga ebintu.