Yeremia 47:4 - Baibuli Ekibono kya Katonda 2014

⁴ Ekiseera kituuse eky'okuzikiriza Filisitia, okulekeza obuyambi bwonabwona obukaasigairegho, obuva e Tiro n'e Sidoni. Nze Musengwa Katonda ndizikiriza Abafilisiti abo boonaboona abakaasigairegho abaava ku kizinga Kafutori.

Yeremia 47:4 ပူးပေါင်းရင်းမြစ်များ

Amainhama 10:15

Kanaani yazaala Sidoni, omwana we omuberi, ni Hethi,

1 Ebyomubyanda 1:12

Pathurusi, Kafutori, ni Kasulu eyasimukamu Abafilisiti.

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Zabbuli 37:13

Aye Musengwa Katonda asekerera omubi, kuba aidhi ati olunaku lwe tiruli ghala.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 14:31

Imwe Abafilisiti ababa mu bibuga, mulire amaziga! Imwe Abafilisiti mwenamwena, mutekemuke mutye! Enkungu eri ng'oti kire eri kuva ku luuyi olw'omukono omugooda olw'e buvandhuba; eryo nga n'eigye ly'abazigu eriziramu mulwani adhugumira waire omulala ati.

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Isaia 31:8

Abassiria baliitibwa inho mu lutalo, aye nga bantu ti n'ababaita. Abassiria abo balirumuka olutalo, era abaisuka baibwe balifuulibwa bairu.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Ezekieli 21:25

“Iwe omufuzi wa Isiraeli, omubi era atasiimya Katonda naire, olunaku lwo lutuuse, n'ekiseera eky'okubonerezebwa kwo okusembayo.

Ezekieli 21:29

“‘Okubonekerwa kwe mufuna kwa buguya, ni bye mulagula ti bituufu naire. Muli babi abatasiimya Katonda naire, era olunaku lwaimwe lutuuse, n'ekiseera eky'okubonerezebwa kwaimwe okusembayo. Empiima eja kusala amamiro gaimwe.

Ezekieli 25:16

nze Musengwa Katonda kyenva nkoba nti, ndigolola omukono gwange naabonereza ensi Filisitia eyo naagimalamu abantu. Ndizikiriza n'abaliba basigairegho mu kiketezo eky'oku nhandha.

Ezekieli 30:8

Era bwe ndikukunaania omuliro ku nsi eyo, n'abo boonaboona ababaire bagiyambanga ni baweekereragho okufa, olwo balimanha nga ninze Musengwa Katonda.

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Amosi 9:7

Musengwa Katonda akoba ati: “Imwe Abaisiraeli, mulowooza muti muli ba ndhawulo ku Baethiopia? Kituufu imwe nabatoola mu Misiri mu bwiru, aye n'Abafilisiti boona nabatoola mu Kafutori, n'Abasiria naabatoola mu Kiri.

Luka 21:22

kuba edho n'edhiriba enaku edh'okubonereza n'okutuukiriza ebyaghandiikibwa byonabyona.

Amateeka Agokubiri 2:23

Ate ebiketezo ebiiririra okutuukira irala e Gaza, byabangamu Abavvi. Aye Abafilisiti abaava e Filisitia, baabazikiriza, beene baasenga mu kifo kyaibwe.

Yoshua 22:30

Finehasi kabona n'abasaadha bale eikumi abakulu ab'ebika be yali nabo, bwe baawulira okwinhonhola okw'Abareubeni, n'Abagadi, n'Abamanasse ab'e buvandhuba, baikiriza.