Yeremia 46:4 - Baibuli Ekibono kya Katonda 2014

⁴ Imwe abavuzi b'embalaasi, musibe ebigaali byaimwe eby'omu lutalo ku mbalaasi dhaimwe. Mughagale amafumo gaimwe, muvaale enkuufiira dhaimwe edh'ekyuma, n'ebivaalo eby'omu kifuba eby'ekyuma. Muniine ku bigaali eby'omu lutalo ebyo, musimbe enhiriri.’ ”

Yeremia 46:4 ပူးပေါင်းရင်းမြစ်များ

2 Ebyomubyanda 26:14

Uzzia yaategekera eigye lyonalyona engabo, n'amafumo, n'enkuufiira edh'ekyuma, n'ebivaalo eby'omu kifuba eby'ekyuma, n'obulaso, n'amabaale ag'okusuula n'ensuumulo.

Nehemia 4:16

Okuva olwo n'okweyongerayo, omulala ku buli bakozi bange ababiri ababiri, yaakolanga ogw'okuzimba, ate owundi yaagemanga eifumo, n'engabo, n'akalaso, era yaavaalanga n'ekivaalo eky'omu lutalo. Abakulembeze baizanga inho amaani mu Bayudaaya

Isaia 8:9

Mwesoloze imwe amaghanga, aye balibatentena; mutege kutu imwe mwenamwena ab'omu nsi edh'eghala, mwetegeke okulwana, aye balibatentena; mwetegeke okulwana, aye balibatentena.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:3

Ndibalagira nti, ‘Mutaganha baisirukale baayo kuvaala bivaalo byaibwe eby'omu kifuba eby'ekyuma, waire kulasa busaale bwaibwe. Muzikirize eigye lyayo lyonalyona! Mutalekaagho waire abo abaisirukale abakaali abaisuka.’

Ezekieli 21:28

“Iwe omuntu, langa okobere abantu bino, nze Musengwa Katonda, bye ndi kukoba Abammoni, abavuma Abaisiraeli. Bakobere oti: ‘Bona empiima, empiima yiiyo bagisowoireyo okutirimbula era baagizigula emyanse ng'oti lukuba.

Yoeli 3:9

Mulangirire kino eyo mu maghanga, muti, ‘Mutegeke olutalo; mwete abalwani ab'amaani, mukobe abaisirukale beesoloze baidhe.

1 Samueli 17:38

Saulo yaatoola ebivaalo eby'omu lutalo ebibye byene, yaabivaaza Daudi. Era nga ni bino: enkoofiira ey'oku mutwe ey'ekyuma eky'ekikomo, n'ekivaalo eky'omu lutalo ekindi.

1 Samueli 17:5

Yali avaire enkoofiira ku mutwe nga ya kyuma kya kikomo, era yaavaala ekivaalo eky'omu lutalo nga kya kyuma kya kikomo nga kizitogha kilo ng'oti makumi ataanu na musanvu.