Yeremia 45:4 - Baibuli Ekibono kya Katonda 2014

⁴ “Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

Yeremia 45:4 ပူးပေါင်းရင်းမြစ်များ

Omulangirizi 3:3

Ekiseera eky'okwita, n'ekiseera eky'okuwonia. Ekiseera eky'okumenha, n'ekiseera eky'okuzimba.

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Yeremia 31:28

Era nga bwe nakola einho okubabonereza, n'okubaiwululagho, n'okubamenhamenha, n'okubaleetera okughangulwa, n'okubazikiriza, era ntyo bwe ndifaayo einho okubasimba n'okubazimba.

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.

Amateeka Agokubiri 28:63

Nga Musengwa Katonda bwe yasanhuka okubakolera ebirungi n'okubafuula abangi, atyo bw'aidha n'okubasaaniagho abamalegho mu nsi ye muli kuja okutwala.