Yeremia 43:9 - Baibuli Ekibono kya Katonda 2014

⁹ “Toola amabaale amanene ng'abandi ku Bayudaaya babona, ogaziike ogakweke mu nkokoto, ghansi agh'amabaale ge baayaliira agali gha mulyango ogw'ekisaagaati kya kyabazinga ekya ghano e Tahapanhesi.

Yeremia 43:9 ပူးပေါင်းရင်းမြစ်များ

2 Samueli 12:31

Era yaatwala n'abantu abaali mu kibuga omwo, yaabakozesanga emirimo nga bakozesa emisumeeni, ensuuluulu, n'empasa, era yaabakozesanga okwokya amatoofaali. Era atyo bwe yakola abantu boonaboona abaali mu bibuga eby'Abammoni byonabyona. Agho Daudi n'abantu be boonaboona bairayo e Yerusalemu.

Okuvaayo 1:14

n'obulamu bwabakaayira. Baabakozesanga mu kuzimba, ni mu mirimo egindi gyonagyona egy'omu nimiro. Era nga tibabasaasiraku naire.

Yeremia 25:19

Abandi abaali n'okunhwa ku kikopo ekyo ni bano: kyabazinga wa Misiri, n'abagheereza be, n'abakungu be, n'abantu be boonaboona

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Yeremia 43:8

Bwe twali nga tuli eyo e Tahapanhesi, Musengwa Katonda yankoba ati:

Yeremia 44:30

Ndighaayo kyabazinga Hofura ow'e Misiri mu ngalo edh'abazigu be abenda okumwita, ng'oti ni bwe naghaayo kyabazinga Zedekia ow'e Buyudaaya mu ngalo dha kyabazinga Nebukadinezzari ow'e Babilonia, eyali omuzigu we era ng'ayenda okumwita.”

Ezekieli 4:1

Agho Katonda yaakoba ati: “Iwe omuntu, funayo eitoofaali olite agho mu maiso go, olikubeku ekifaananie eky'ekibuga Yerusalemu.

Hosea 12:10

Nayogeranga n'abalanzi, naabaleeteranga okubonekerwa emikuzi kamaala. Era naabitanga mu balanzi abo okulabula abantu bange, nga bakozesa enfumo dhe nabaghanga.

Nahumu 3:14

Abantu ab'e Nineve mwesombere amaadhi ag'okukozesa nga mwetegekera okuzingizibwa. Mwongere okugumya ebifo byaimwe eby'okwewogomamu. Muje mu itosi mulisambe era mugeme obutiba obw'amatoofaali.

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.