Yeremia 43:7 - Baibuli Ekibono kya Katonda 2014

⁷ Kale baadheemera batyo ekiragiro kya Musengwa Katonda, baaja e Misiri era baatuukira irala ere mu kibuga ekyetebwa Tahapanhesi.

Yeremia 43:7 ပူးပေါင်းရင်းမြစ်များ

2 Bakyabazinga 25:26

Agho abantu boonaboona, abakulu n'abato, nga kw'otaire n'abakulu mu magye bale, baasituka baalumukira e Misiri, nga bali kutya Abababilonia.

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Isaia 30:2

Baasalagho baaja e Misiri okunoonia obuyambi, nga tibamaze kuneebuuzaaku. Beesiga inho amaani ag'ensi Misiri, baaja ye kyabazinga waayo, baamusaba abakuume!

Isaia 30:4

Waire abakwenda ba Buyudaaya baamala ira okutuuka mu bibuga Zoani ni Hanesi,

Yeremia 2:16

Abazigu baava e Menfisi n'e Tahapanhesi, baabakuba emitwe baagyawula.

Yeremia 41:17

Baaja baabaaku e Geruthi Kimuhamu, okumpi n'e Bethelehemu nga beetegeka okuja e Misiri.

Yeremia 42:21

Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Yeremia 44:1

Agho Musengwa Katonda yaayogera ninze ku bigema ku Baisiraeli boonaboona abaali nga baba mu nsi Misiri, mu bibuga Migidoli, Tahapanhesi, ni Menfisi, ni mu biketezo ebiri ku luuyi olw'omukono omusaadha olw'e buvandhuba bwa Misiri.

Yeremia 44:24

Era naakobera abantu boonaboona, n'okusingira irala abakazi, ebyo Musengwa Katonda bye yakoba abantu b'omu Buyudaaya abaali nga baba mu nsi Misiri mu kiseera ekyo.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Ezekieli 30:18

Lwe ndikomya obufuzi bwa Misiri enzikiiza erigema mu kibuga Tehafunehesi, olwo naalekeza amaani agabaleetera okwekuluntaza. Ekire kirighemba ku Misiri, abantu baamu baatwalibwa mu bunhage.