Yeremia 43:2 - Baibuli Ekibono kya Katonda 2014

² Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Yeremia 43:2 ပူးပေါင်းရင်းမြစ်များ

Amainhama 19:14

Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Zabbuli 119:21

Ovumirira abo abeekuluntaza, abalaame abo, abava ku biragiro byo.

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 123:4

Tusiniirwa okuvumibwanga abo abali obukalamu n'okunhoomebwanga abo abeekuluntaza.

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Okuvaayo 9:17

Weetwala ng'owa ghaigulu einho, waaloba kuleka bantu be ni baja.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Ensambo 30:9

Olwo ndobe kuba na bingi inho, okutuuka n'okukwegaana nti, ‘Musengwa Katonda naani?’ Oba bwemba omwavu ndobe kwiba na kuvumagania liina lyo iwe Katonda wange.

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Isaia 9:8

Musengwa Katonda yalabula baidhukulu ba Yakobo, yaasalira eighanga Isiraeli omusango.

Yeremia 13:15

Imwe abantu Abaisiraeli, muwulire era muteeyo omwoyo. Musengwa Katonda akobye ati mubenga bawombeefu era mumuwulirenga.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Yeremia 41:16

Agho Yohanani n'abakulu ab'ebikunsu eby'abaisirukale boonaboona be yali nabo, baalabirira abantu Ishimaeli be yali atoire e Mizipa ng'abasibe, ng'amaze okutemula Gedalia. Mu abo mwalimu, abaisirukale, n'abakazi, n'abaana, n'abagheereza. Kale baabaiza okuva e Gibeoni.

Yeremia 41:18

Baayenda okuja e Misiri olw'okutya Abababilonia, kuba Ishimaeli mutabane wa Nethania yatemula Gedalia mutabane wa Ahikamu, kyabazinga w'e Babilonia ye yali aghaire okufuga Buyudaaya.

Yeremia 42:1

Agho abakulu ab'ebikunsu eby'abaisirukale boonaboona, ni Yohanani mutabane wa Karea, ni Azaria mutabane wa Hoshaia, n'abantu abandi boonaboona okuviira irala ku basembayo ghansi okutuukira irala ku babbede beene, baidha

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yeremia 42:5

Agho bankoba bati: “Musengwa Katonda mwene n'ab'abe omudhulizi omutuufu era ow'amazima atulumiriza omusango, bwe tulobanga okugondera ebiragiro byonabyona Musengwa Katonda waife oyo by'anaakutuma okutukobera.

Yeremia 43:1

Bwe namala okukobera abantu ebyo byonabyona Musengwa Katonda waibwe bye yantuma okubakobera,

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”