Yeremia 43:12 - Baibuli Ekibono kya Katonda 2014

¹² Ndikunaania omuliro ku masabo aga bakatonda b'e Misiri, era kyabazinga w'e Babilonia alyokya bakatonda abo, oba yaababbeeda yaaja nabo. Era ng'omwayi bw'alondalonda ensekere ku kivaalo kye n'adhimaliraku irala, ni kyabazinga w'e Babilonia atyo bw'alirondalonda buli kantu mu nsi Misiri, n'agitukuza. Memale yaatambula yaaja nga ghazira n'amukobaku.

Yeremia 43:12 ပူးပေါင်းရင်းမြစ်များ

2 Samueli 5:21

Abafilisiti baalumuka, baaleka n'agho ebifaananie byaibwe bye baasinzanga. Daudi n'abasaadha be baabitwala.

Yobu 40:10

Kale ka mbone bw'ofuuka omukungu era omwekuluntaze, ofuuke omubbede ow'ekitiisa.

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 132:16

Bakabona baamu ndidha kubagha enkabi mu bye bakola byonabyona, n'abantu baamu abatya Katonda mbaleetere okukuba emizira olw'eisanhu.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Isaia 46:1

“Eno n'enkomerero y'emisambwa egy'e Babiloni! Ebifaananie eby'emisambwa Beli ni Nebo egyasinzibwanga eira, buti babitwise ku ndogoyi na ku nte. Ebifaananie ebyo byafuuka migugu ku migongo gy'ensolo okudhiruyiriza.

Isaia 46:2

Emisambwa egyo amaani gagiwoire, ghazira ye gisobola kuyamba waire gyene okwewonia. Bagigema bugeme baagitwala mu bunhage. Eno n'enkomerero y'emisambwa egy'e Babiloni!

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:5

Abantu abamaghanga agandi n'abalibagheerezanga, imwe abantu bange, era baabaayiranga ebyayo byaimwe; abagwira abo n'abalibalimiranga era baalabiriranga amasamba gaimwe ag'emizabbibu.

Yeremia 10:11

Iwe Musengwa Katonda kyova n'okoba oti: “Emisambwa egyo ti n'egyakola eigulu n'ensi, era gija kuzikirizibwa give ku nsi ni ghansi gh'eigulu.”

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 25:19

Abandi abaali n'okunhwa ku kikopo ekyo ni bano: kyabazinga wa Misiri, n'abagheereza be, n'abakungu be, n'abantu be boonaboona

Yeremia 43:13

Kyabazinga oyo alimenhamenha empango dh'amabaale edh'ebiidhukizo edhiri e Heliopoli mu nsi Misiri, era yaayokya n'amasabo ga bakatonda baayo.”

Yeremia 46:25

Musengwa Katonda Afuga Amagye, Katonda wa Isiraeli, akoba ati: “Nja kubonereza Amoni katonda ow'ekibuga Thebesi, ghalala n'ensi Misiri yoonayoona ni bakatonda baayo, era ni bakyabazinga baayo. Nja kutoola kyabazinga wa Misiri n'abo abamwesiga,

Yeremia 48:7

Iwe Moabu, eira weesiganga amaani go n'obukombe bwo, aye mpegaano weena baja kukughangula; era katonda wo ayetebwa Kemoshi, baidha kumutwala mu bunhage, ghalala ni bakabona be n'abakungu be.

Yeremia 49:27

Ndikunaania omuliro ku bimante ebyezungulwire ekibuga Damasiko, era naayokya ekisaagaati kya kyabazinga Benihadadi. Nze Musengwa Katonda, ninze nkobye.”

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Ezekieli 29:11

Ezira kigere kya muntu waire kya nsolo ekiribita omwo. Ensi Misiri erisigala agho ng'eziramu muntu agibaamu okumala emyaka amakumi ana (40).

Ezekieli 29:19

Agho ni, nze Musengwa Katonda kyenva ndi kukoba nti: Nditoola ensi Misiri naagigha kyabazinga Nebukadinezzari owa Babilonia, yaanhagulula obukombe bwayo yaabutwala ng'omunhago oguliba empeera ey'abaisirukale be.

Ezekieli 30:13

Musengwa Katonda akoba ati: “Ndizikiriza ebisinzibwa ebitali Katonda, naalekeza okusinza ebifaananie okuli mu Menfisi. Teribaayo mufuzi kabiri mu Misiri, era ensi eyo ndigireetamu entiisa.

Danieli 11:8

Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Ab'e Roma 13:12

Obwire bujiire olunaku lunaatera okutuuka. Kale tuve mu bikolwa eby'enzikiiza, tugeme eby'okulwanisa eby'obutangaavu.

Ab'Efeso 4:24

Mufuuke bantu bayaaka, abaatondebwa mu kifaananie kya Katonda mu bwesimbu ni mu butukuvu obw'amazima.

Ab'Efeso 6:11

Mukozesenga eby'okulwanisa bya Katonda, musobole okutala nga Sitaani abalumbye n'obukodyo bwe;

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Ab'e Kolosai 3:14

Ku ebyo muteereku okugonza nga n'okusiba byonabyona aghalala, ni biisania obukalamu.